BEL రిక్రూట్​మెంట్​.. వైజాగ్​లోనే పోస్టింగ్​.. జీతం రూ.1.70 లక్షలు

BEL Recruitment 2023: ప్రభుత్వ రంగ సంస్థ భారత్ ఎలక్ట్రానిక్స్ లిమిటెడ్ నుంచి జాబ్ నోటిఫికేషన్లు విడుదల అయ్యాయి. ఎన్ని పోస్టులు ఉన్నాయి? ఎలా అప్లై చేసుకోవాలి? వయో పరిమితి ఎంత? వంటి పూర్తి వివరాలు మీకోసం..

BEL Recruitment 2023: ప్రభుత్వ రంగ సంస్థలన్నింటి నుంచి వరుసగా ఉద్యోగ నోటిఫికేషన్లు విడుదల అవుతున్నాయి. తాజాగా మరో ప్రభుత్వ రంగ సంస్థ భారత్ ఎలక్ట్రానిక్స్ లిమిటెడ్ నుంచి రెండు జాబ్ నోటిఫికేషన్లు విడుదలయ్యాయి. మేనేజర్ పోస్టు కోసం విశ్రాంత నేవీ అధికారుల నుంచి ఆఫ్​లైన్​ ద్వారా దరఖాస్తులను ఆహ్వానిస్తోంది. ఇంటర్వ్యూ చేసి ఉద్యోగం ఇవ్వనుంది. దరఖాస్తు చేసుకోవడానికి చివరి తేదీ..21.01.2023 అని బీఈఎల్ తెలిపింది.

అర్హతలు

• మేనేజర్​ పోస్ట్​కు దరఖాస్తు చేసుకునే అభ్యర్థులు కమాండర్​ ర్యాంక్​లో పనిచేసి ఉండాలి.
• కమాండర్​ కాకపోతే లెఫ్ట్​నెంట్​ కమాండర్​గా 4 సంవత్సరాల సీనియారిటీ ఉండాలి.
• అభ్యర్థి తప్పనిసరిగా బీఈ/ బీటెక్​ కోర్సు పూర్తి చేసి ఉండాలి.
• వయోపరిమితి- 45 ఏళ్లలోపు వారు మాత్రమే అర్హులు.
• జీతం- సంవత్సరానికి సుమారు రూ.20 లక్షలు.

ఎలా అప్లై చేసుకోవాలి?

• బీఈఎల్​ అధికారిక వెబ్​సైట్​లోకి వెళ్లాలి.
• ఆఫ్​లైన్​ అప్లికేషన్​ను డౌన్​లోడ్​ చేసుకోవాలి.
• సక్రమంగా తప్పులు లేకుండా దరఖాస్తును నింపాలి.
• అనంతరం డిప్యూటీ జనరల్​ మేనేజర్, భారత్ ఎలక్ట్రానిక్స్ లిమిటెడ్​కు పోస్ట్​ చేయాలి.

2023 ​జనవరి 21వ తేదీ తర్వాత వచ్చిన అప్లికేషన్​లు తిరస్కరణకు గురవుతాయి. అయితే కేవలం 'ఒక్క పోస్ట్'​ కోసమే బీఈఎల్​ దరఖాస్తులు ఆహ్వానిస్తోంది. ఎంపికైన వారికి విశాఖపట్నం లేదా కోల్​కతాలో పోస్టింగ్​ ఇవ్వనుంది.

ఇంజినీర్​ పోస్ట్​లు..
బీఈఎల్​ ఇటీవలే మరో నోటిఫికేషన్​ విడుదల చేసింది. ట్రైనీ ఇంజినీర్, ప్రాజెక్ట్ ఇంజినీర్ విభాగాల్లో 13 ఖాళీలను భర్తీ చేయనున్నట్లు ప్రకటించింది. అందుకు సంబంధించిన దరఖాస్తు ప్రక్రియ ఇప్పటికే ప్రారంభం కాగా.. అప్లై చేసుకోవడానికి జనవరి 15ను ఆఖరి తేదీగా నిర్ణయించింది.

ట్రైనీ ఇంజినీర్:
కంప్యూటర్ సైన్స్ విభాగంలో బీటెక్ చేసిన అభ్యర్థులు ఈ ఖాళీలకు అప్లై చేసుకోవాల్సి ఉంటుంది. గుర్తింపు పొందిన యూనివర్సిటీ నుంచి ఈ విద్యార్హత పొంది ఉండాలి. జనరల్, ఈడబ్ల్యూఎస్, ఓబీసీ అభ్యర్థులు 55 శాతం మార్కులతో బీటెక్ పాసై ఉండాలి. ఎస్సీ, ఎస్టీ, దివ్యాంగ అభ్యర్థులు కనీస మార్కులతో పాసైతే చాలు. ఈ ఖాళీలకు ఎంపికైన వారికి నెలకు రూ.30,000 వేతనం ఉంటుంది.​

ప్రాజెక్ట్ ఇంజినీర్:
గుర్తింపు పొందిన విద్యాసంస్థ నుంచి బీఈ/బీటెక్ పూర్తి వారు ఈ ఖాళీలకు అప్లై చేసుకోవచ్చు. జనరల్ అభ్యర్థులు 55 శాతం, ఎస్సీ, ఎస్టీ అభ్యర్థులు కనీస మార్కులతో పాసై ఉండాలి. ఈ ఖాళీలకు ఎంపికైన వారికి నెలకు రూ.40,000 వేతనం ఉంటుంది.
దరఖాస్తు ఫీజు:
ట్రైనీ ఇంజినీర్ ఖాళీలకు దరఖాస్తు చేసుకునే అభ్యర్థులు రూ.150, ప్రాజెక్ట్ ఇంజినీర్ ఖాళీలకు దరఖాస్తు చేసుకునే వారు రూ.450 అప్లికేషన్ ఫీజుగా చెల్లించాల్సి ఉంటుంది.

ఇదీ చదవండి:రైల్వే జాబ్స్​ నోటిఫికేషన్ రిలీజ్​.. ఇంటర్ పాసైతే చాలు.. ఇంకో 6 రోజులే గడువు