బేగంపేటలోని లైఫ్‌స్టైల్ భవనంలో అగ్నిప్రమాదం- పరుగులు తీసిన కస్టమర్స్

Begumpet Fire Accident Today : సికింద్రాబాద్​లో అగ్నిప్రమాదం చోటుచేసుకుంది. బేగంపేటలోని లైఫ్ స్టైల్ భవనంలో అగ్నిప్రమాదం జరిగింది. భవనం మొదటి అంతస్థులోని దుకాణంలో మంటలు చెలరేగాయి. భవనంలో ఉన్న వారిని ఖాళీ చేయించి ఫైర్‌ సిబ్బంది మంటలను పూర్తిగా అర్పివేశారు. ఎటువంటి ప్రాణ నష్టం జరగలేదని అధికారులు తెలిపారు.

Begumpet Fire Accident Today : హైదరాబాద్‌లోని పంజాగుట్ట పోలీస్‌ స్టేషన్‌ పరిధిలోని బేగంపేట లైఫ్‌ స్టైల్‌ బిల్డింగ్‌లోని మొదటి అంతస్థులో అగ్ని ప్రమాదం జరిగింది. ఆ బిల్డింగ్‌లో సెలూన్‌లోని సిలిండర్ లీక్‌ అయి మంటలు ఎగసిపడ్డాయి. దీంతో అప్రమత్తమైన స్థానికులు, కస్టమర్లంతా భయంతో బయటకు పరుగులు తీశారు. అనంతరం అగ్నిమాపక సిబ్బందికి తెలియజేశారు. వారి ఘటన స్థలానికి చేరుకుని మంటలను అదుపులోకి తీసుకువచ్చారు. ఈ ప్రమాదానికి కారణం షార్ట్‌ సర్క్యూట్‌గా అగ్నిమాపక సిబ్బంది భావిస్తున్నారు. ఈ ఘటనలో ఎలాంటి ప్రాణ నష్టం జరగలేదని అధికారులు వెల్లడించారు.