అక్రమంగా మద్యం తరలిస్తున్న ఇద్దరు వ్యక్తులను బెంగళూరు పోలీసులు అరెస్టు చేశారు. కర్ణాటక నుంచి తమిళనాడుకు మద్యం తరలిస్తుండగా పట్టుకున్నట్లు వెల్లడించారు.
కూరగాయల బ్యాగుల్లో మద్యం బాక్సులను నిందితులు తమిళనాడుకు తరలిస్తున్నారు. ఈ క్రమంలో రాత్రిపూట పెట్రోలింగ్ నిర్వహిస్తుండగా.. వ్యాన్ను తనిఖీ చేసి 59 మద్యం బాక్సులను స్వాధీనం చేసుకున్నామని డీసీపీ సంజీవ్ ఎమ్ పాటిల్ చెప్పారు. నిందితులపై కేసు నమోదు చేసి దర్యాప్తు చేస్తున్నామని వెల్లడించారు.