Baba ka Dhaba: గిరాకీ లేక రెస్టారెంట్ మూసివేత

'బాబా కా దాబా' పేరుతో ప్రాచుర్యం పొందిన కాంతా ప్రసాద్​ నూతనంగా ప్రారంభించిన రెస్టారెంట్​ను మూసేశాడు. ఇకపై తన పాత బండిని నడిపిస్తానని తెలిపిన ఆయన.. ఆదాయం తక్కువగా ఉన్నందు వల్లే కొత్త హోటల్​ను మూసేయాల్సి వచ్చిందని తెలిపాడు.

గతేడాది లాక్​డౌన్ సమయంలో​ గిరాకీ లేక.. సామాజిక మాధ్యమాల ద్వారా గుర్తింపు పొందిన 'బాబా కా దాబా'(Baba ka Dhaba) యజమాని కాంతా ప్రసాద్​ని కష్టాలు వెంటాడుతున్నాయి. విరాళాల ద్వారా సమకూరిన సొమ్ముతో ప్రారంభించిన రెస్టారెంట్​ ప్రస్తుతం నష్టాలను ఎదుర్కొంటోంది. దీనితో తన పాత బండిని నడపేందుకు తిరిగి వచ్చాడు. తాను జీవించి ఉన్నంత కాలం దీనిని కొనసాగించాలని భావిస్తున్నట్లు తెలిపాడు.

పాత బండి వద్ద బిజీబిజీగా కాంతా ప్రసాద్

"నేను జీవించి ఉన్నంత వరకు ఈ దాబాను నడుపుతాను. గతేడాది లాక్​డౌన్​ సమయంలో మాకు వచ్చిన విరాళాల నుంచి నాతో పాటు నా భార్య అవసరాల కోసం రూ.20 లక్షలు పక్కనపెట్టుకున్నాం."

-కాంత ప్రసాద్, బాబా కా దాబా

'తన వినియోగదారుల్లో చాలామందికి పాత చోటు బాగా తెలుసని.. కాబట్టి దాని ద్వారా ఎక్కువ సంపాదించగలను'అని ఆయన పేర్కొన్నారు.

పాత బండి వద్ద కాంతా ప్రసాద్

"ఫిబ్రవరి 15న కొత్త రెస్టారెంట్​ని మూసేశాను. పనివారికి నెలకు రూ.36,000 చెల్లించాల్సి వచ్చింది. ఆ దుకాణం అద్దె నెలకు రూ.35,000. విద్యుత్ బిల్లు, నీటి బిల్లు సైతం ఉన్నాయి. పెట్టుబడితో పోలిస్తే, రాబడి తక్కువగా ఉంది, అందుకే దాన్ని మూసేయాల్సి వచ్చింది."

-కాంత ప్రసాద్, బాబా కా దాబా

ఇవీ చదవండి:వృద్ధ దంపతుల కష్టాలు తీర్చిన వైరల్​ వీడియో