శుభకృత్‌ నామ సంవత్సర రాశి ఫలాలు

కొత్త సంవత్సరాది అనగానే.. లేత మామిడి ఆకుల తోరణాలూ, హాయిగొలిపే కోయిల గానం, జీవితసారాన్ని తెలియజేసే షడ్రుచుల ఉగాది పచ్చడీ ఎలా గుర్తొస్తాయో.. తమ భవిష్యత్​ గురించి తెలుసుకోవాలనే కోరికతో పంచాంగ శ్రవణం మీద కూడా అంతే ఆసక్తి కనబరుస్తారు. శ్రీ శుభకృత్‌ నామ సంవత్సర ఉగాది రాశిఫలాల గురించి డాక్టర్ శంకరమంచి రామకృష్ణ శాస్త్రి ఏమన్నారంటే..

ఆదాయం- 14; వ్యయం-14: రాజపూజ్యం- 3; అవమానం- 6

శుభకృత్‌ నామ సంవత్సరంలో ఆదాయ వ్యయాలు చాలావరకూ సమానంగా ఉన్నాయి కాబట్టి ఆర్థిక అంశాలలో జాగ్రత్తగా ఉండాలి. గురుగ్రహం ద్వాదశంలో ఉన్నందువల్ల శుభకార్యాలకు ఖర్చవుతుంది. స్థానచలనం గోచరిస్తోంది. సుఖసంతోషాలున్నాయి. మనశ్శాంతి లభిస్తుంది. వృత్తి ఉద్యోగాల్లో నైపుణ్యం పెరుగుతుంది. అధికార యోగముంది. రాహుకేతువుల సంచారం వల్ల శ్రమ పెరిగినా సంతృప్తికరమైన ఫలితాలను సాధిస్తారు. విద్యార్థులు ఎక్కువగా కృషి చేస్తేనే రాణించగలరు. వ్యాపారస్తులకు కలిసి వస్తుంది. శ్రమకు తగ్గ ప్రతిఫలం ధనరూపంలో లభిస్తుంది. కుటుంబసభ్యులతో విభేదాలు రానీయొద్దు. ముఖ్య కార్యాల్లో శ్రద్ధ చూపండి. ఇష్టంగా చేసే పనిలో అధిక లాభముంటుంది. తెలియని సమస్యలు ఎదురైనా సమష్టి కృషితో పరిష్కారాన్ని వెతకాలి. ఉత్సాహం తగ్గకూడదు. పరిస్థితులను అర్థం చేసుకుంటూ తగు విధంగా ప్రవర్తించండి. ఒత్తిడి లేకుండా ఆలోచించండి. తొందరపాటు నిర్ణయాల వల్ల ఇబ్బందులొస్తాయి. బంధు మిత్రులను సంప్రదించి నిర్ణయాలు తీసుకుంటే మేలు జరుగుతుంది. ఓర్పు చాలా అవసరం. శాంత చిత్తంతో ముందుకు సాగండి. ఆరోగ్యపరమైన జాగ్రత్తలు తీసుకోవాలి. గురు శని రాహు కేతు శ్లోకాలు చదువుకోవాలి.

ఆదాయం 8; వ్యయం 8; రాజపూజ్యం 6; అవమానం 6

ఈ ఏడాది ఏకాదశంలో గురుబలం విశేషమైన అదృష్టాన్నీ శారీరకశక్తినీ పేరు ప్రతిష్ఠలనూ ప్రసాదిస్తుంది. శత్రువులపై విజయం సాధిస్తారు. దైవానుగ్రహం ఉంది. కోరికలు సిద్ధిస్తాయి. భూ గృహ వాహనాది శుభయోగాలు ఫలిస్తాయి. కేతువు ఆరవ రాశిలో ధైర్యాన్నీ సమయస్ఫూర్తినీ కార్యనిర్వహణ సామర్థ్యాన్నీ ఇస్తాడు. ఉద్యోగపరంగా శ్రమకు తగిన గుర్తింపు తెచ్చుకుంటారు. దశమంలో శనివల్ల మానసిక ఒత్తిడి కలుగుతుంది. 12లో రాహువు వల్ల తెలియని ఖర్చులూ ఇబ్బందులూ ప్రయాణాలు చేయవలసిన పరిస్థితులూ గోచరిస్తున్నాయి. విదేశీయాన ప్రయత్నాలు సఫలమవుతాయి. వ్యాపారయోగం బ్రహ్మాండంగా ఉంటుంది. విద్యార్థులకు ఉత్తమ విద్య లభిస్తుంది. శని, రాహు శ్లోకాలు చదువుకోవాలి. రుద్రాభిషేకం శుభాన్నిస్తుంది.

ఆదాయం- 11; వ్యయం- 5; రాజపూజ్యం- 2; అవమానం- 2

ఆదాయ మార్గాలు పెరుగుతాయి. స్థిరాస్తులు వృద్ధి చెందుతాయి. జీవితంలో ఉన్నత స్థితికి చేరుకుంటారు. ఏకాదశంలో రాహుబలం కార్యసిద్ధినీ గౌరవాన్నీ ప్రసాదిస్తుంది. జీవితాశయాలు నెరవేరతాయి. గురు, శని, కేతు దోషాలవల్ల అడుగడుగునా విఘ్నాలు ఎదురవుతాయి. తెలివిగా పనుల్ని పూర్తిచేయాలి. వివాదాలకు దూరంగా ఉండాలి. వచ్చిన ప్రతి అవకాశాన్నీ సద్వినియోగం చేసుకోవాలి. ఉద్యోగంలో శాంతం అవసరం. వ్యాపారం కలిసివస్తుంది. విద్యార్థులకు పరీక్షాకాలంగా అనిపిస్తుంది. విదేశయోగాలు అనుకూలిస్తాయి. ఆరోగ్యంపై దృష్టి నిలపాలి. వృథా ప్రయాణాలను తగ్గించుకోవాలి. బాధ్యతలను ధర్మబద్ధంగా నిర్వర్తించండి. సంతృప్తికరమైన ఫలితాలను సాధిస్తారు. గురు, శని, కేతు శ్లోకాలు చదువుకోవాలి.

ఆదాయం- 5; వ్యయం- 5; రాజపూజ్యం- 5; అవమానం- 2

సమాజంలో గౌరవం పెరుగుతుంది. సంతృప్తికరమైన జీవితాన్ని అనుభవిస్తారు. ఆశయాలు నెరవేరతాయి. ఆపదల నుంచి బయటపడతారు. భాగ్య గురు, రాజ్య రాహువుల వల్ల విశేషమైన లాభాలు గోచరిస్తున్నాయి. వ్యాపారం కలిసివస్తుంది. స్థిరాస్తి వృద్ధి చెందుతుంది. గృహలాభం సూచితం. ఇంట్లో వివాహాది శుభకార్యాలు జరుగుతాయి. ఆనందంగా ఉంటారు. ఉద్యోగాల్లో అద్భుతమైన ఫలితాలను సాధిస్తారు. నూతన బాధ్యతలు స్వీకరిస్తారు. ప్రశంసా పురస్కారాలు అందుతాయి. ఎదురుచూస్తున్న విషయంలో సంతృప్తికరమైన ఫలితాలు సిద్ధిస్తాయి. శని, కేతువుల వల్ల మధ్యమధ్యలో ఆటంకాలు ఎదురవుతాయి. ధైర్యంగా ఉండాలి. విద్యార్థులకు విశేషమైన సరస్వతీ కటాక్షం సిద్ధిస్తుంది. శని, కేతు శ్లోకాలు చదువుకోవాలి.

ఆదాయం- 8; వ్యయం- 14; రాజపూజ్యం- 1; అవమానం- 5

ఆదాయానికి మించిన ఖర్చులుంటాయి. ఆలోచించి నిర్ణయాలు తీసుకోవాలి. సంయమనాన్ని పాటిస్తే అవమానాల్ని తప్పించుకోవచ్చు. తృతీయ కేతు ప్రభావం వల్ల సౌభాగ్యసిద్ధి కలుగుతుంది. ఆర్థికస్థితి క్రమంగా మెరుగవుతుంది. సాహస నిర్ణయాలు విజయాన్నిస్తాయి. ఆధ్యాత్మిక చింతనతో ముందుకుసాగాలి. ఆరవ రాశిలో శనివల్ల ఉద్యోగంలో కీర్తిప్రతిష్ఠలు లభిస్తాయి. సంకల్పసిద్ధి కలుగుతుంది. మధ్యమధ్యలో గురు, రాహు గ్రహాల వల్ల స్వల్పంగా సమస్యలు రావచ్చు. కుటుంబసభ్యుల సలహాలు తీసుకోవాలి. విద్యార్థులు చదువుపై శ్రద్ధ పెంచాలి. ఆరోగ్యాన్ని కాపాడుకుంటూ ముందుకు సాగితే ఎటువంటి ఇబ్బందులూ రావు. బంగారు భవిష్యత్తు సూచితం. గురు, రాహు శ్లోకాలను చదువుకోవాలి.

ఆదాయం- 11 వ్యయం- 5 రాజపూజ్యం- 4 అవమానం- 5

ఈ ఏడాది విశేషమైన ఆదాయముంటుంది. చర, స్థిరాస్తులను వృద్ధిచేసే సమయం. సప్తమంలో గురుబలం విశేషమైన శుభాన్ని ప్రసాదిస్తుంది. గృహ నిర్మాణాది కార్యక్రమాలు విజయవంతమవుతాయి. త్వరగా కార్యసిద్ధి ఉంటుంది. ఉద్యోగంలో విశేష ప్రతిభను కనబరుస్తారు. రాజానుగ్రహ సిద్ధి కలుగుతుంది. శని, రాహు, కేతువుల వల్ల అప్పుడప్పుడూ తెలియని ఆటంకాలెదురవుతాయి. ధైర్యాన్ని కోల్పోవద్దు. ముక్కుసూటిగా వ్యవహరించవద్దు. వ్యాపారంలో బ్రహ్మాండమైన లాభాలుంటాయి. సమాజంలో పేరు ప్రతిష్ఠలు సంపాదిస్తారు. ఇంట్లో శుభకార్యాలు జరుగుతాయి. ప్రముఖ వ్యక్తుల సహకారం లభిస్తుంది. పలు మార్గాల్లో విజేతలుగా నిలుస్తారు. విద్యార్థులకు బ్రహ్మాండమైన ధారణాశక్తి ఉంటుంది. ఉన్నత శిఖరాలను అధిరోహిస్తారు. కుటుంబసభ్యుల ప్రోత్సాహం లభిస్తుంది. అలసత్వం లేకుండా లక్ష్యాలను పూర్తి చేయండి. శని, కేతు గ్రహ శ్లోకాలు చదువుకోవాలి.

ఆదాయం- 8; వ్యయం- 8; రాజపూజ్యం- 7; అవమానం- 1

వచ్చిన ప్రతి అవకాశాన్నీ ఉపయోగించుకుని అభివృద్ధిని సాధించాలి. ఉద్యోగంలో గౌరవ మర్యాదలు పెరుగుతాయి. పలు మార్గాల్లో విశేష లాభాలుంటాయి. కాలం కలిసి వచ్చి అదృష్టవంతులు అవుతారు. సాహసోపేత కార్యాలు శక్తినిస్తాయి. మిత్రుల సహకారంతో భారీ లక్ష్యాలను సైతం సాధించగలుగుతారు. గురు, శని, కేతు దోషాల వల్ల పనుల్లో జాప్యం జరుగుతుంది. సమయస్ఫూర్తి చాలా అవసరం. దేనికీ తొందరవద్దు. ఆత్మీయుల సూచనలతో ఫలితం ఉంటుంది. కలహాలకు దూరంగా ఉండాలి. సహనంతోనే కార్యసాధనలో విజయాలను సొంతం చేసుకోవచ్చు. విద్యార్థులు కష్టపడితేనే మంచి ఫలితాలు వస్తాయి. బాధ్యతలను సమర్థంగా పూర్తిచేయాలి. గురు, శని, కేతు శ్లోకాలు చదువుకోవాలి.

ఆదాయం- 14; వ్యయం- 14; రాజపూజ్యం- 3; అవమానం- 1

ఆదాయ వ్యయాలు అధిక మొత్తంలో ఉన్నందున ప్రతి అడుగూ జాగ్రత్తగా వేయాలి. రుణ సమస్యలకు దూరంగా ఉండాలి. విజయానికి పంచమ గురు, షష్ఠ రాహువుల సహకారం సంపూర్ణంగా ఉంది. ఉద్యోగ వ్యాపారాలలో గౌరవం పెరుగుతుంది. స్వయంకృషితో అభివృద్ధిని సాధించాలి. విశేష భూలాభం, గృహయోగం వస్తు వాహన ప్రాప్తి కలుగుతాయి. సంతృప్తినిచ్చే ఫలితాలు అనేకం ఉన్నాయి. శత్రువులు మిత్రులుగా మారతారు. వ్యాపార యోగం చక్కగా ఉంటుంది. దగ్గరివారితో విభేదాలు రాకుండా జాగ్రత్త వహించాలి. అద్భుతమైన భవిష్యత్తు సొంతం అవుతుంది. విద్యార్థులకు బ్రహ్మాండమైనటువంటి విద్యా యోగసిద్ధి కలుగుతుంది. శ్రేష్టమైన ఫలితాలను సాధిస్తారు. మరింత ఉత్సాహానికి కేతు శ్లోకం చదువుకోవాలి.

ఆదాయం- 2; వ్యయం- 8: రాజపూజ్యం- 6; అవమానం- 1

ఈ ఏడాది అధిక మొత్తంలో ఖర్చును సూచిస్తోంది కాబట్టి ఆదాయ వనరులను అభివృద్ధి పరుచుకునే మార్గాలను అన్వేషించాలి. రాజపూజ్యం అధికంగా ఉన్నందున ఖ్యాతి దశదిశలా వ్యాపిస్తుంది. మీ ప్రతిభను అందరూ గుర్తించి సముచితమైన స్థానాన్ని ఇస్తారు. సంతృప్తికరమైన ఫలితాలు వస్తాయి. సంవత్సరం మధ్యలో కొన్ని కార్యాలు విజయవంతమవుతాయి. లాభ కేతువు వల్ల సంపదలు వృద్ధి చెందుతాయి. ఆధ్యాత్మిక బలం పెరుగుతుంది. దైవానుగ్రహంతో ఆపదలు తొలగుతాయి. గురు, శనుల వల్ల కొన్ని విఘ్నాలు ఎదురవుతాయి. చిత్తచాంచల్యం లేకుండా నిర్ణయాలు తీసుకోవాలి. ఆర్థిక నష్టాన్ని నివారించాలి. విదేశీ ప్రయాణాలకు అవకాశం ఉంది. దగ్గరివారితో విభేదాలు రాకుండా వ్యవహరించాలి. చేస్తున్న పనుల్లో స్పష్టత అవసరం. ఒకటికి రెండుసార్లు ఆలోచించి పనిచేయండి. ఉద్యోగంలో శ్రద్ధ పెంచితే అధికారుల ప్రశంసలు అందుకుంటారు. ఒత్తిడిని జయించాలి. విద్యార్థులు సమయాన్ని సద్వినియోగం చేసుకుంటూ విజయాలు సాధించాలి. స్థిర చిత్తంతో చేసే పనులు త్వరగా లక్ష్యాన్ని చేరుస్తాయి. గురు, శని, రాహు శ్లోకాలు చదువుకోవాలి.

ఆదాయం- 5; వ్యయం- 2: రాజపూజ్యం 2; అవమానం 4

ఈ ఏడాది ఆదాయం గతంకంటే ఉత్తమంగా ఉంటుంది. స్థిరాస్తులు వృద్ధి చేస్తారు. ధనం నిల్వ చేయడానికి అనుకూలమైన సమయమిది. ముఖ్యకార్యాల్లో విజయం లభిస్తుంది. మనోబలంతో అభీష్టాలు సిద్ధిస్తాయి. కీర్తి ప్రతిష్ఠలను సాధిస్తారు. శని, గురువు, రాహువుల వల్ల మధ్య మధ్యలో అనేక విఘ్నాలు ఎదురవుతాయి. మంచితనం కాపాడుతుంది. ధర్మబుద్ధితో పనిచేస్తే కష్టాలు తొలగిపోతాయి. మొహమాటం వల్ల ఎదురయ్యే సమస్యలను ముందుగానే అంచనా వేసి తెలివిగా బయటపడాలి. ఉద్యోగంలో మిశ్రమ ఫలితాలుంటాయి. పనులు సకాలంలో పూర్తిచేయండి. బంగారు భవిష్యత్తు లభిస్తుంది. తోటివారి సూచనలు అవసరమవుతాయి. వ్యాపారంలో జాగ్రత్త వహించాలి. బంధుమిత్రుల వల్ల మేలు చేకూరుతుంది. తగినంత విశ్రాంతి తీసుకుంటూ ఆరోగ్యాన్ని కాపాడుకోవాలి. విద్యార్థులు ప్రణాళికతో మంచి ఫలితాలను సాధిస్తారు. గురు, శని, రాహు శ్లోకాలు చదువుకోవాలి.

ఆదాయం- 5; వ్యయం- 2; రాజపూజ్యం- 5; అవమానం- 4

ఆదాయం బ్రహ్మాండంగా ఉంది. సమాజంలో ఘనకీర్తి లభిస్తుంది. స్పష్టమైన ఆలోచనావిధానంతో అభివృద్ధిని సాధిస్తారు. ధన సౌఖ్యం, యశోవృద్ధి కలుగుతాయి. అదృష్టవంతులు అవుతారు. ఇష్టకార్యసిద్ధి ఉంది. ఉద్యోగంలో మేలు చేకూరుతుంది. వ్యాపారస్తులకు విశేషమైన శుభాలున్నాయి. విద్యార్థులు ఉన్నత శిఖరాలను అధిరోహిస్తారు. దైవానుగ్రహం సిద్ధిస్తుంది. విఘ్నాలు తొలగుతాయి. శని, కేతువుల వల్ల స్వల్ప ఆటంకాలు ఎదురవుతాయి. పనులను సకాలంలో పూర్తి చేసుకోవాలి. లక్ష్యం త్వరగా సిద్ధిస్తుంది. ఇతరుల విషయాలలో తలదూర్చవద్దు. ఆరోగ్యంపై శ్రద్ధ పెంచండి. శని, కేతు శ్లోకాలు చదువుకోవాలి.

ఆదాయం- 2; వ్యయం- 8; రాజపూజ్యం- 1; అవమానం- 7

ఈ సంవత్సరం మొహమాటం తగ్గించి ఖర్చును నియంత్రించండి. అవమానం అధికంగా గోచరిస్తోంది కాబట్టి ప్రతి పనీ ఒకటికి రెండుసార్లు ఆలోచించి చేయండి. ఏకాదశంలో శని వల్ల ఉద్యోగంలో మేలు జరుగుతుంది. ఆపదలు తొలగిపోతాయి. గురు, రాహు, కేతు దోషాల వల్ల తెలియని ఆటంకాలెదురవుతాయి. ధర్మమార్గంలో ముందుకు సాగితే విజయం సిద్ధిస్తుంది. పొరపాట్లు జరగకుండా చూసుకోవాలి. వ్యాపారంలో జాగ్రత్తలు అవసరం. విద్యార్థులు చదువుపై శ్రద్ధ పెంచాలి. నమ్మకంతో ప్రయత్నిస్తే సరస్వతీ కటాక్షం లభిస్తుంది. గృహ నిర్మాణాది ప్రయత్నాలు విజయాన్నిస్తాయి. గురు, రాహు, కేతు శ్లోకాలు చదువుకోవాలి.