టీకాల కొరత వేధిస్తున్న వేళ.. యూకేలోని ఆక్స్ఫర్డ్ యూనివర్సిటీ అధ్యయనం ఆసక్తికర విషయాన్ని వెలుగులోకి తెచ్చింది. వ్యాక్సిన్ డోసుల మధ్య వ్యవధి ఎంత ఎక్కువుంటే.. ఫలితం అంతా బాగా ఉంటుందని తెలిపింది. రోగనిరోధక శక్తి మరింత పెరుగుతుందని వెల్లడించింది.
ఆక్స్ఫర్డ్-ఆస్ట్రాజెనెకా వ్యాక్సిన్(భారత్లో కొవిషీల్డ్) డోసుల మధ్య వ్యవధిని 45 వారాలకు(దాదాపు 11 నెలలు) పెంచడం వల్ల మరింత బలమైన రోగనిరోధకత ఏర్పడినట్లు పరిశోధకులు నిర్ధరించారు. 18-55 ఏళ్ల మధ్య వలంటీర్లపై ట్రయల్స్ చేసి ఈ విషయాన్ని తేల్చారు.
అయితే.. కొవిషీల్డ్ తొలి డోసుతో వచ్చిన యాంటీబాడీలు సంవత్సరం పాటు ఉంటాయా అనే దానిపై ఇంకా పరిశోధనలు జరగాల్సి ఉందని ఆక్స్ఫర్డ్ పరిశోధకులు తెలిపారు.
ఆపై 6 నెలలకు బూస్టర్ డోసు..
ఇంకా.. రెండో డోసు ఇచ్చిన ఆరు నెలలకు బూస్టర్ డోసు(మూడో డోసు) ఇస్తే.. యాంటీబాడీలు గణనీయ స్థాయిలో మెరుగుపడ్డట్లు అధ్యయనం పేర్కొంది. లాన్సెట్ ప్రీ ప్రింట్ సర్వర్లో సంబంధిత పరిశోధన ప్రచురితమైంది.
ప్రస్తుతం భారత్లో ఇస్తున్న కొవిషీల్డ్ టీకా డోసుల మధ్య అంతరం 12 నుంచి 16 వారాలుగా ఉంది. 45 వారాలకు రెండో డోసు తీసుకుంటే వచ్చే యాంటీబాడీలు.. ఈ వ్యవధితో పోల్చితే నాలుగు రెట్లు అధికమని అధ్యయనంలో తెలిసింది.
టీకాలు తక్కువగా ఉన్న దేశాలకు ఇది ఊరట కలిగించే వార్త అని అధ్యయనంలో పాల్గొన్న చీఫ్ ఇన్వెస్టిగేటర్ ఆండ్రూ జె. పొలార్డ్. వ్యవధి 10 నెలలు ఉన్నా.. మంచిదేనని చెబుతున్నారు.
ఇదీ చదవండి: కొవిషీల్డ్ టీకా డోసుల మధ్య వ్యవధి పెంపు!
కొవిడ్ టీకా రెండు డోసుల మధ్య ఎంత వ్యవధి ఉండాలి?
