Assembly seats state wise: అసెంబ్లీ ఎన్నికల్లో భాజపా అఖండ విజయాన్ని సాధించింది. గురువారం వెలువడిన ఫలితాల్లో ఎగ్జిట్ పోల్స్ అంచనాలకు మించి.. మోదీ-షా జోడీ బ్లాక్ బస్టర్ హిట్ కొట్టింది. 2024లో జరగనున్న సార్వత్రిక పోరుకు సెమీఫైనల్గా భావించిన ఈ ఎన్నికల్లో.. ఆమ్ ఆద్మీ పార్టీ పంజాబ్లో ఏకపక్ష విజయం సాధించగా.. యూపీ సహా ఉత్తరాఖండ్, గోవా మణిపుర్లో భాజపా తిరుగులేని ఆధిక్యాన్ని సంపాదించింది. అయితే కాంగ్రెస్ మాత్రం తన ఓటమి పరంపరను కొనసాగించింది. యూపీలో రెండు సీట్లను రాబట్టకోవడానికే ఆపసోపాలు పడింది. పంజాబ్లో అధికారాన్ని కోల్పోయి.. గతంలో ఎన్నడూ లేని విధంగా రెండు రాష్ట్రాల్లో( రాజస్థాన్, ఛత్తీస్గఢ్ )నే అధికారానికి పరిమితమైంది.
ఉత్తర్ప్రదేశ్ ఎన్నికల ఫలితాలు..
దేశంలో అతిపెద్ద రాష్ట్రం ఉత్తర్ప్రదేశ్ అసెంబ్లీ ఎన్నికల్లో మరోసారి కమలం వికసించింది. వరుసగా రెండోసారి ఆ రాష్ట్రంలో కాషాయ జెండా రెపరెపలాడింది. యూపీలో అధికారాన్ని నిలబెట్టుకున్న భాజపా కూటమి మూడింట రెండొంతుల సీట్లకుపైగా సొంతం చేసుకుంది. 403 అసెంబ్లీ స్థానాలున్న యూపీలో సాధారణ మెజార్టీకి 202 స్థానాలు అవసరంకాగా భాజపా కూటమి 273 సీట్లను కైవసం చేసుకుని విజయదుందుభి మోగించింది.
| పార్టీ | గెలుపు/ఆధిక్యం |
| భాజపా కూటమి | 273 |
| ఎస్పీ కూటమి | 125 |
| బీఎస్పీ | 1 |
| కాంగ్రెస్ | 2 |
| ఇతరులు | 2 |
పంజాబ్ ఎన్నికల ఫలితాలు..
పంజాబ్ రాజకీయాల్లో కొత్త పొద్దు పొడిచింది. దేశ రాజధానిలో వరుస విజయాలను నమోదు చేసుకున్న కేజ్రీవాల్ పార్టీ.. మరోసారి 'చీపురు' సత్తా ఏంటో దేశానికి చాటి చెప్పింది. దిల్లీలో కాంగ్రెస్‌ను ఓడించి అధికారంలోకి వ‌చ్చిన ఆప్.. పంజాబ్లో కూడా అదే పరంపరను కొనసాగిస్తూ.. ప్రభంజనం సృష్టించింది.
| పార్టీ | గెలుపు/ఆధిక్యం |
| ఆప్ | 92 |
| కాంగ్రెస్ | 18 |
| ఎస్ఏడీ కూటమి | 4 |
| భాజపా కూటమి | 2 |
| ఇతరులు | 1 |
ఉత్తరాఖండ్ ఎన్నికల ఫలితాలు...
దేవభూమిలో అధికార భాజపాకు ఉత్తరాఖండ్ ప్రజలు మరోసారి బ్రహ్మరథం పట్టారు. రాష్ట్రంలో ప్రతి ఎన్నికల్లోనూ ప్రభుత్వం మారే సంప్రదాయానికి స్వస్తిపలికి... రెండోసారి భాజపాకు అధికారాన్ని కట్టబెట్టారు. ఈ విజయంతో ఉత్తరాఖండ్ చరిత్రలో తొలిసారి వరుసగా రెండోసారి గెలిచిన రికార్డును భాజపా సొంతంచేసుకుంది. మరోవైపు ఈ ఎన్నికల ప్రచారాన్ని ముందుండి నడిపించిన ఉత్తరాఖండ్ ముఖ్యమంత్రి పుష్కర్ సింగ్ ధామి, మాజీ సీఎం హరీశ్ రావత్ ఓటమి పాలయ్యారు.
| పార్టీ | గెలుపు/ఆధిక్యం |
| భాజపా | 47 |
| కాంగ్రెస్ | 19 |
| ఆప్ | 0 |
| ఇతరులు | 4 |
మణిపుర్ ఎన్నికల ఫలితాలు...