'బంగాల్​ గడ్డపై అహంకారం, డబ్బు ఓడిపోయాయి'

బంగాల్​ ఎన్నికల్లో తృణమూల్​ కాంగ్రెస్​(టీఎంసీ) విజయానికి పూర్తి అర్హత కలిగి ఉందని కాంగ్రెస్​ సీనియర్​ నేత కపిల్​ సిబల్​ అన్నారు. ఆ రాష్ట్రంలో భాజపా ప్రయోగించిన అహంకారం, డబ్బు, జై శ్రీరామ్​ వంటి రాజకీయ అస్త్రాలేవీ పనిచేయలేదని ట్వీట్​ చేశారు.

బంగాల్​ అసెంబ్లీ ఎన్నికల్లో భారతీయ జనతా పార్టీ(భాజపా) ఓటమిపై కాంగ్రెస్​ సీనియర్​ నేత కపిల్​ సిబల్​ వ్యంగాస్త్రాలు సంధించారు. రాష్ట్రంలో అహంకారం, బలం, డబ్బు భాజపాకు అధికారాన్ని కట్టబెట్టలేకపోయాయన్నారు. వాటి కారణంగానే.. భాజపా ఓటమిపాలైందని ట్విట్టర్​ వేదికగా వ్యాఖ్యానించారు.

ఇక.. బంగాల్​ గడ్డపై హ్యాట్రిక్​ విజయానికి తృణమూల్​ కాంగ్రెస్​ అన్నిరకాలుగా అర్హత కలిగి ఉందన్న సిబల్​.. ఆ పార్టీ అధినేత్రి మమతా బెనర్జీపై ప్రశంసలు కురిపించారు.

కపిల్​ సిబల్​ ట్వీట్​

"బంగాల్​లో అహంకారం, బలం, డబ్బు సహా.. జై శ్రీరామ్​ను రాజకీయం చేయడం వంటివి ఓటమిని చవిచూశాయి. వీటితో పాటు ఎన్నికల సంఘానికి వ్యతిరేకంగా పోరాడి ఆమె(మమత)నిలిచారు. చివరకు గెలిచారు."

- కపిల్​ సిబల్​, కాంగ్రెస్​ సీనియర్​ నేత

ఇదీ చదవండి:దీదీ బం'గోల్'- 213 స్థానాల్లో టీఎంసీ పాగా