విదేశాల్లో ఉంటున్న ఓ వ్యక్తి తన పేరు చెప్పకుండా.. కేరళకు చెందిన బాలుడి చికిత్స కోసం భారీ ఆర్థిక సహాయన్ని అందించారు. చిన్నారి చికిత్స నిమిత్తం రూ.11 కోట్లను క్రౌడ్ ఫండింగ్లో జమ చేశారు.
16 నెలల చిన్నారికి అరుదైన వ్యాధి.. పేరు చెప్పకుండా విదేశీయుడి రూ.11 కోట్ల సాయం - చిన్నారి చికిత్సకు 11 కోట్ల ఆర్థిక సాయం న్యూస్
అరుదైన వ్యాధితో బాధపడుతున్న 16 నెలల చిన్నారి చికిత్స కోసం ఓ వ్యక్తి భారీ మొత్తంలో ఆర్ధిక సహాయాన్ని అందించారు. తన పేరు చెప్పకుండా రూ.11 కోట్లను క్రౌడ్ ఫండింగ్లో జమ చేశారు.
అరుదైన వ్యాధితో బాధపడుతున్న బాబు
ఎర్నాకులానికి చెందిన నేవీ అధికారి సారంగ్, అతిధి దంపతుల కుమారుడు నిర్వాణ్(16 నెలలు) పుట్టిన 15 నెలల తర్వాత కూడా కాళ్లు కదపలేదు. దీంతో నెలరోజుల క్రితం బాబును ఆస్పత్రికి తీసుకుని వెళ్లి వైద్య పరీక్షలు చేయించారు. మెడికల్ రిపోర్స్లో బాబుకు అరుదైన స్పైనల్ మస్క్యులర్ అట్రోఫీ(ఎస్ఎమ్ఎ) టైప్ 2 అనే వ్యాధి ఉన్నట్లు తెలిసింది. అయితే బిడ్డకు రెండేళ్లు నిండక ముందే మెడిసిన్ వేస్తేనే చికిత్స చేయటానికి వీలవుతుందని వైద్యులు తెలిపారు. ట్రీట్మెంట్కు అవసరమైన మెడిసిన్ను అమెరికా నుంచి తెప్పించి వైద్యం చేసేందుకు రూ.17.5 కోట్లు ఖర్చవుతుందని చెప్పారు. ప్రస్తుతం బాబుకు 16 నెలల వయస్సు. మరో ఎనిమిది నెలలోగా బాబుకు వైద్యం చేయించాలి.
అయితే అంత భారీ మొత్తంలో డబ్బులు భరించగలిగే స్తోమత ఆ చిన్నారి కుటుంబానికి లేదు. దీంతో సొసైటీ సభ్యులను ఆశ్రయించారు. దీంతో వైద్యం కోసం బాబు ఖాతాలోకి విరాళాలు రావడం మొదలయ్యాయి. ఈ క్రమంలోనే తన పేరు చెప్పకుండా విదేశాల నుంచి ఓ వ్యక్తి రూ.11 కోట్ల ఆర్థిక సాయాన్ని అందించాడు. క్రౌడ్ ఫండింగ్ ద్వారా భారీ మొత్తంలో డబ్బులు వచ్చాయి. దీంతో కుటుంబ సభ్యులకు కాస్త ఊరట లభించింది. మరో రూ.80 లక్షలు వస్తే నిర్వాణ్ చికిత్సకు సరిపడా డబ్బులు సమకూరినట్లే. దీంతో చికిత్సకు అవసరమైన మిగిలిన డబ్బుల కోసం ఆ బాలుడి కుటుంబం ఆశగా ఎదురుచూస్తోంది. నిర్వాణ్ కోలుకున్న తర్వాత తమకు రూ.11 కోట్ల అధిక మొత్తంలో ఆర్థిక సాయం అందించిన వ్యక్తిని కలుస్తామని బాబు కుటుంబ సభ్యులు తెలిపారు.