Anna Hazare News: తీవ్రమైన ఛాతి నొప్పితో ఆసుపత్రిలో చేరారు ప్రముఖ సామాజిక కార్యకర్త అన్నా హజారే. మహారాష్ట్ర పుణెలోని రూబీ హాస్పిటల్లో ఆయన చికిత్స పొందుతున్నట్లు సంబంధిత వర్గాలు వెల్లడించాయి.
గుండెలోని ఓ వైపు ధమనిలో ఏర్పడిన చిన్నఅడ్డంకిని శస్త్రచికిత్స చేసి తొలగించినట్లు ఆసుపత్రి ప్రతినిధులు తెలిపారు. ప్రస్తుతం హజారే ఆరోగ్యం స్థిరంగా ఉందని చెప్పారు.
మూడు రోజుల నుంచి ఛాతిలో నొప్పి ఉందని అన్నా హజారే ఆసుపత్రిలో చేరారు. నిపుణుల బృందం ఆయన ఆరోగ్యాన్ని పూర్తి స్థాయిలో పరిశీలించింది. ధమనుల్లో ఏర్పడిన చిన్న అడ్డంకి కారణంగా నొప్పి వచ్చినట్లు ఈసీజీ లో తేలింది.