నేడు భారత్​కు రానున్న 'స్పుత్నిక్' టీకా డోసులు

దేశంలోని కరోనా వ్యాక్సిన్ కొరతను తీర్చేలా.. రష్యా టీకాలు భారత్​కు రానున్నాయి. శనివారం ఇవి హైదరాబాద్​కు చేరుకుంటాయని అధికారులు తెలిపారు. భారీ సంఖ్యలో డోసులు వస్తాయని చెప్పారు.

కరోనా టీకాల కొరతతో సతమతమవుతున్న భారత్​కు కాస్త ఉపశమనం లభించనుంది. రష్యా అభివృద్ధి చేసిన స్పుత్నిక్ వ్యాక్సిన్ డోసులు శనివారం దేశానికి రానున్నాయి. రష్యా నుంచి హైదరాబాద్​కు ఇవి చేరుకోనున్నాయని అధికార వర్గాలు చెప్పాయి. గణనీయమైన సంఖ్యలో డోసులు రానున్నట్లు తెలిపాయి.

దేశంలో రెండో దశ కరోనా ఉద్ధృతి కొనసాగుతున్న వేళ.. టీకా పంపిణీని వేగవంతం చేసేందుకు స్పుత్నిక్ వీ ఉపయోగపడనుంది. కొవిషీల్డ్, కొవాగ్జిన్ టీకాల తర్వాత మూడో వ్యాక్సిన్​గా స్పుత్నిక్ వీ అందుబాటులోకి రానుంది. నెల రోజుల వ్యవధిలో 50 లక్షల డోసులు ఇండియాకు వచ్చే అవకాశం ఉంది.

ఇదీ చదవండి-'18ప్లస్​'కు వ్యాక్సిన్‌.. రాష్ట్రాలేమంటున్నాయ్‌?