సచిన్‌ వాజేకు ఎన్‌ఐఏ కస్టడీ పొడిగింపు

ముకేశ్​ అంబానీ ఇంటి సమీపంలో పేలుడు పదార్థాల వాహనం కేసులో ఆరోపణలు ఎదుర్కొంటున్న సచిన్​ వాజే కస్టడీని ఎన్​ఐఏ ప్రత్యేక న్యాయస్థానం పొడిగించింది. ఎన్ఐఏ అభ్యర్థన మేరకు వాజేపై ఏప్రిల్ 9 వరకు కస్టడీ విధిస్తున్నట్లు తెలిపింది.

రిలయన్స్​ ఇండస్ట్రీస్​ ఛైర్మన్​ ముకేశ్​ అంబానీ ఇంటి వద్ద పేలుడు పదార్థాల కేసులో సస్పెండైన పోలీసు అధికారి సచిన్​ వాజే కస్టడీని ఏప్రిల్​ 9 వరకు పొడగించింది ఎన్ఐఏ న్యాయస్థానం. కేసుపై మరింత దర్యాప్తు చేయాల్సి ఉన్న నేపథ్యంలో కస్టడీని పెంచాలని న్యాయస్థానాన్ని ఎన్​ఐఏ కోరింది. ఈ నేపథ్యంలో న్యాయస్థానం ఏప్రిల్​ 9 వరకు కస్టడీని పొడిగించింది.

ముకేశ్ అంబానీ నివాసానికి సమీపంలో పేలుడు పదార్థాల కేసు సహా.. వ్యాపారవేత్త మన్సుఖ్ హిరేన్ మృతి కేసులో ఆరోపణలు ఎదుర్కొంటున్న వాజేను ఎన్‌ఐఏ.. మార్చి 13న అదుపులోకి తీసుకుంది.

ఈ కేసులో నిందితులుగా ఉన్న సస్పెండెడ్ పోలీస్​ కానిస్టేబుల్ వినాయక్ షిండే, క్రికెట్ బుకీ నరేశ్ గోర్​లకు కోర్టు 14 రోజుల జ్యుడిషియల్ కస్టడీని విధించింది.

ఇదీ చదవండి:యూపీ పోలీసుల కస్టడీలో ముక్తార్ అన్సారీ