యూపీ ఎన్నికల్లో పోటీ చేయట్లేదు: అఖిలేశ్ యాదవ్

సమాజ్‌వాదీ పార్టీ అధినేత అఖిలేశ్​ యాదవ్‌ కీలక ప్రకటన చేశారు. వచ్చే ఏడాది ఉత్తర్​ప్రదేశ్​లో జరగనున్న అసెంబ్లీ ఎన్నికల్లో తాను పోటీ చేయడం లేదని ప్రకటించారు.

ఉత్తర్​ప్రదేశ్​ మాజీ ముఖ్యమంత్రి, సమాజ్​వాదీ పార్టీ అధినేత అఖిలేశ్​ యాదవ్​(UP election Akhilesh yadav) సంచలన ప్రకటన చేశారు. 2022లో జరగబోయే రాష్ట్ర అసెంబ్లీ ఎన్నికల్లో(UP polls 2022 ) పోటీ చేయడం లేదని ప్రకటించారు. అయితే రాష్ట్రీయ లోక్‌దళ్​తో (ఆర్‌ఎల్‌డీ) పొత్తు ఖరారైనట్లు తెలిపిన అఖిలేశ్​.. సీట్ల పంపకంపై ఓ నిర్ణయానికి రావాల్సి ఉందని తెలిపారు.

సమాజ్​వాదీ తరపున సీఎం అభ్యర్థిగా ఉంటారని అంతా భావిస్తున్న నేపథ్యంలో అఖిలేశ్(Akhilesh Yadav news)​ అనూహ్య నిర్ణయం రాష్ట్ర రాజకీయాల్లో సంచలనంగా మారింది. ప్రస్తుతం ఆజంగఢ్ లోక్​సభ నియోజకవర్గానికి అఖిలేశ్ ప్రాతినిధ్యం వహిస్తున్నారు.

ఇదిలా ఉండగా.. ఉత్తరప్రదేశ్‌లో అధికార పీఠాన్ని నిలబెట్టుకోవాలని భాజపా భారీ వ్యూహాలు రచిస్తోంది. మరోవైపు, రాష్ట్రంలో పాగా వేయాలని కాంగ్రెస్‌ శతవిధాల ప్రయత్నిస్తోంది. ఈ క్రమంలోనే లఖింపుర్ ఖేరీ హింస తర్వాత కాంగ్రెస్‌ నేత ప్రియాంక గాంధీ సుడిగాలి పర్యటనలతో సందడి చేస్తున్నారు. యూపీ ప్రజలపై వరాల జల్లు కురిపిస్తున్నారు. మహిళలకు 40 శాతం రిజర్వేషన్‌, ప్రభుత్వ బస్సులో మహిళలకు ఉచిత ప్రయాణం, బాలికలకు ఈ-స్కూటీలూ వంటి వాగ్దానాలతో దూసుకుపోతున్నారు.

ఇదీ చూడండి:'గంగమ్మకు భాజపా ద్రోహం చేసింది.. ప్రజలను మోసగించింది'