Serial Actor Arrest : కోల్కతాలో జరుగుతున్న అంతర్జాతీయ పుస్తక ప్రదర్శనలో దొంగతనం చేసినందుకు బంగాలీ నటి రూపా దత్ను పోలీసులు అరెస్ట్ చేశారు. చాకచక్యంగా బాధితుల దృష్టి మరల్చి వారి పర్సులను కొట్టేసినట్లు అధికారులు చెబుతున్నారు.
ఇలా కొట్టేసిన ఓ పర్స్ను ఆమె చెత్త కుండీలో వేయడం చూసిన ఉత్తర బిధాన్నగర్ పోలీసు అధికారి అమెను అదుపులోకి తీసుకుని విచారించారు. దీంతో అసలు విషయం బయట పడింది. పోలీసులు ప్రశ్నిస్తుండగా.. రూప చెప్పిన సమాధానాలతో వారికి సందేహం వచ్చింది. ఈ క్రమంలో ఆమె బ్యాగ్ను చెక్ చేయగా అందులో రూ. 75 వేల నగదుతో పాటు చాలా పర్స్లు కూడా ఉన్నట్లు పోలీసులు గుర్తించారు.