మధ్యప్రదేశ్లో గ్యాంగ్ రేప్ కేసులో నిర్దోషిగా తేలిన ఓ వ్యక్తి ప్రభుత్వం నుంచి భారీ పరిహారం కోరాడు. బాధ, మానసిక వేధన అనుభవించిన కారణంగా.. ప్రభుత్వం నుంచి పరిహారంగా రూ.10,006.02 కోట్లు కోరుతో కోర్టులో దావా వేశాడు. మధ్యప్రదేశ్‌లోని రత్లామ్‌కు చెందిన 35 ఏళ్ల కాంతిలాల్ భీల్ గ్యాంగ్ రేప్ కేసులో రెండేళ్ల పాటు జైలులో ఉన్నాడు. కోర్టు అతడ్ని నిర్దోషిగా ప్రకటించిన తర్వతా.. ఇంత మొత్తంలో పరిహారం కోరడం అందర్నీ ఆశ్చర్యానికి గురిచేస్తోంది. ఈ కేసును రత్లామ్‌లోని స్థానిక సెషన్స్ కోర్టు జనవరి 10న విచారించనుంది.
రేప్ కేసులో నాలుగున్నరేళ్లకు విముక్తి.. ప్రభుత్వం నుంచి రూ.10,000కోట్ల పరిహారం డిమాండ్ - మధ్యప్రదేశ్ ప్రభుత్వం 10000 కోట్ల పరిహారం కేసు
గ్యాంగ్ రేప్ కేసులో నిర్దోషిగా తేలిన వ్యక్తి.. ప్రభుత్వం నుంచి భారీ పరిహారం కోరుతూ కోర్టులో దావా వేశాడు. అతను కోరింది.. కోటి, 10 కోట్లు కాదు. ఏకంగా రూ.10,000 కోట్లకుపైనే..! ఈ వింత ఘటన మధ్యప్రదేశ్ జరిగింది. ఈ కేసుకు సంబంధించి కోర్టు జనవరి 10న విచారణ చేపట్టనుంది.
కోర్టు పరిహారం కేసు
అసలేంటా కేసు..?
కాంతు అలియాస్ కాంతిలాల్ భీల్.. రత్లామ్ వాసి. 2018 జులై 20న ఓ మహిళ భీల్ తనపై అత్యాచారం చేశాడని ఆరోపిస్తూ మానస పోలీస్స్టేషన్లో కేసు నమోదు చేసింది. భీల్ తనను తన సోదరుడి ఇంటి వద్ద దింపుతానని నమ్మించి.. అత్యాచారం చేశాడని ఆ మహిళ ఆరోపించింది. అనంతరం మరో వ్యక్తికి అప్పగించాడని.. అతను తనపై 6 నెలల పాటు అత్యాచారం చేసినట్లు ఫిర్యాదులో తెలిపింది. ఈ కేసులో భీల్ను పోలీసులు 2020 డిసెంబర్ 23న అరెస్ట్ చేశారు. భీల్ దాదాపుగా రెండేళ్ల పాటు జైలులో ఉన్నాడు. అయితే అవి తప్పుడు ఆరోపణలని తేల్చుతూ స్థానిక కోర్టు.. 2022 అక్టోబర్ 20న భీల్ను నిర్దోషిగా విడుదల చేసింది.
'మనిషి జీవితం ఎంతో విలువైంది. భీల్ రెండేళ్ల పాటు తప్పుడు ఆరోపణలతో శిక్ష అనుభవించాడు. భీల్ తల్లి, భార్య, ముగ్గురు పిల్లలు అతని సంపాదనతోనే బతుకుతున్నారు. భీల్ అరెస్ట్.. అతని కుటుంబం మొత్తానికి ఆకలి బాధ, మానసిక వేదనను కలిగించింది. మనుషులకు దేవుడిచ్చిన బహుమతి జీవితం.. దాన్ని భీల్ రెండేళ్ల కోల్పోయాడు' అని భీల్ తరపు న్యాయవాది విజయ్ సింగ్ యాదవ్ తెలిపారు. ఇందుకు రూ.10,006.02 కోట్లు పరిహారంగా కోరుతూ దావా వేశారు. ఇందులో రూ.10వేల కోట్లు 'మనిషి జీవితం ఎంతో విలువైనది' అనే వాదనతో డిమాండ్ చేసినట్లు వివరించారు. న్యాయపరమైన ఖర్చుల కోసం రూ.2లక్షలతో కలిపి.. కుటుంబం పడిన బాధకు పరిహారం, ఇతర కారణాలతో మిగిలిన రూ.6.02కోట్లు అడుగుతున్నట్లు న్యాయవాది తెలిపారు.
TAGGED:
man acquitted in rape case