'ఆ ఆరు రాష్ట్రాల్లో ఆప్​ పోటీ'

ఆమ్​ ఆద్మీ పార్టీని విస్తరించే దిశగా చర్యలు చేపట్టారు ఆ పార్టీ జాతీయ కన్వీనర్​ అరవింద్​ కేజ్రీవాల్​. ఆరు రాష్ట్రాల్లో రానున్న ఎన్నికల్లో తమ పార్టీ పోటీ చేస్తుందని ప్రకటించారు.

దిల్లీ ముఖ్యమంత్రి, ఆమ్ ఆద్మీ పార్టీ(ఆప్)​ జాతీయ సమన్వయకర్త​ అరవింద్​ కేజ్రీవాల్​ తన పార్టీని మరింత విస్తృతం చేసే దిశగా ముందుడుగేశారు. ఉత్తర్​ప్రదేశ్​, ఉత్తరాఖండ్​, గోవా, పంజాబ్​, హిమాచల్​ ప్రదేశ్​, గుజరాత్​లో.. రానున్న అసెంబ్లీ ఎన్నికల్లో పోటీ చేయనున్నట్లు ప్రకటించారు.

ఆప్​ జాతీయ మండలి 9వ సమావేశం సందర్భంగా దిల్లీలో ఈ ప్రకటన చేశారు కేజ్రీవాల్.

"ఇతర పార్టీలకు ముందుచూపు లేదు. అందుకే వారు గతాన్ని తవ్వుకుంటున్నారు. ఆప్​ మాత్రమే భవిష్యత్తు గురించి మాట్లాడుతోంది. 21, 22 శతాబ్దాల దూర దృష్టి మా పార్టీకి ఉంది. అందుకే రానున్న రెండేళ్లలో ఆరు రాష్ట్రాలలో జరిగే ఎన్నికల్లో పోటీ చేయనున్నాం."

- అరవింద్​ కేజ్రీవాల్​, ఆప్​ జాతీయ సమన్వయకర్త

తమ పార్టీని అట్టడుగు స్థాయి నుంచి బలోపేతం చేయాలని ఈ సందర్భంగా పార్టీ సభ్యులను కోరారు కేజ్రీవాల్. దేశమే తొలి ప్రాధాన్యమన్న ఆయన.. ఆప్​ వేదికగా దేశాభివృద్ధికి కృషి చేయాలని కార్యకర్తలకు పిలుపునిచ్చారు.

ఇదీ చదవండి:'ముంబయిని కేంద్రపాలిత ప్రాంతం చేయండి'