Harbhajan Singh nomination for rajya sabha: పంజాబ్‌లో ప్రభంజనం సృష్టించిన ఆమ్ఆద్మీ పార్టీ ఈ నెలాఖరున జరిగే రాజ్యసభ ఎన్నికలకు అభ్యర్థులను ప్రకటించింది. మాజీ క్రికెటర్ హర్భజన్ సింగ్ సహా మరో ముగ్గురిని ఎగువసభకు నామినేట్ చేసింది.
ప్రస్తుత రాజ్యసభ సభ్యుల పదవీ కాలం ఏప్రిల్ 9న ముగియనుండగా ఆమ్ ఆద్మీ పార్టీకి 5 రాజ్యసభ స్థానాలు దక్కనున్నాయి. దిల్లీ-ఐఐటీ ప్రొఫెసర్‌ సందీప్ పాఠక్‌, లవ్‌లీ ప్రొఫెషనల్ వర్సిటీ ఉపకులపతి అశోక్ మిత్తల్‌, ఆమ్ ఆద్మీ పార్టీ దిల్లీ ఎమ్మెల్యే రాఘవ్ చద్దాను పెద్దల సభకు పంపుతోంది ఆప్.
6 రాష్ట్రాల్లోని 13 రాజ్యసభ స్థానాల భర్తీకి మార్చి 31న పోలింగ్ జరగనుంది. సోమవారం నామినేషన్ల దాఖలుకు ఆఖరి రోజు.