కొవిడ్ రోగుల కోసం.. తన తల్లి, భార్య నగలు తనఖా పెట్టి కొవిడ్ ఆస్పత్రి నిర్మించాడు మహారాష్ట్ర పుణెకు చెందిన ఓ యువకుడు. కరనా వేళ అందరికీ స్పూర్తిగా నిలుస్తున్నాడు ఉమేశ్ చవాన్.
35 ఔన్సుల బంగారం..
పుణెలో కొవిడ్ కేసులు విపరీతంగా పెరుగుతున్నాయి. కొన్ని ఆస్పత్రుల్లో ఒక పడకనే ముగ్గరు రోగులు పంచుకోవాల్సి వస్తుంది. ఆక్సిజన్ అందక ఎందరో విగతజీవులుగా మారుతున్నారు. ఈ పరిస్థితిని చూసి చలించిపోయిన ఉమేశ్.. ఆస్పత్రి నిర్మించాలని నిర్ణయించుకున్నాడు. 'పేషెంట్ రైట్స్ కౌన్సిల్' సంస్థ అధినేత అయిన ఉమేశ్.. అనుకున్నదే తడవుగా ఇంట్లో ఉన్న తల్లి, భార్యకు చెందిన 35 ఔన్సుల పసిడిని తాకట్టుపెట్టాడు. తద్వారా రూ.30 లక్షలు వరకు సమకూరింది. ఈ మహాయజ్ఞానికి కొందరు దాతల సైతం సాయం చేశారు.
ఆస్పత్రిలో ఏర్పాటు చేసిన పడకలు ఏడు రోజుల్లో ఆస్పత్రి రెడీ
ఆస్పత్రి నిర్మాణానికి డబ్బు సమకూర్చుకున్న ఉమేశ్.. తన సహోద్యోగుల సాయంతో కేవలం ఏడు రోజుల్లోనే 53 పడకల ఆస్పత్రిని నిర్మించాడు. దీనికి 'ఛత్రపతి శివాజీ మహారాజ్ కొవిడ్ ఆస్పత్రి' అని నామకరణం చేశాడు. ఇందులో 33 ఆక్సిజన్ పడకలు ఉండగా.. మరో 20 సాధారణ పడకలు ఏర్పాటు చేశారు.
ఈ ఆస్పత్రిని నిర్మించడంలో డాక్టర్ సలీం అల్తేకర్, డాక్టర్ కిశోర్ చిపోల్, గిరీష్ ఘాగ్, కునాల్ టింగ్రే, అపర్ణ సాఠే కీలక పాత్ర పోషించారు. ఈ కొవిడ్ ఆస్పత్రిని స్థాపించడానికి పుణె మున్సిపల్ కార్పొరేషన్ హెల్త్ చీఫ్ డాక్టర్ ఆశిష్ భారతి, మాజీ డిప్యూటీ మేయర్, డాక్టర్ అమోల్ దేవలేకర్ సహాయపడ్డారని ఉమేశ్ తెలిపారు.
ఇదీ చూడండి:కొవిడ్ ఆస్పత్రిలో కార్టూన్ల సందడి
