బంగాల్​లో ఎన్నికల వాహనం దహనం

బంగాల్​లో తొలి దశ పోలింగ్​కు కొద్ది గంటల ముందు ఓ ఎన్నికల వాహనాన్ని తగలబెట్టారు దుండగులు. నక్సల్​ ప్రభావిత ప్రాంతం తుల్సిడిలో ఈ ఘటన జరిగింది.

​బంగాల్​లో తొలి దశ ఓటింగ్​కు కొన్ని గంటల ముందు ఎన్నికల విధుల కోసం ఉపయోగించిన ఓ వాహనానికి నిప్పంటించారు దుండగులు. పురులియా జిల్లాలోని బంద్వాన్​లో ఈ ఘటన జరిగినట్లు అధికారులు తెలిపారు. పోలింగ్ స్టేషన్​లో అధికారులను విడిచి వెళ్తున్న క్రమంలో నక్సల్ ప్రభావిత ప్రాంతం జంగల్​ మహల్​లోని తుల్సిడిలో వాహనంపై పెట్రోల్​ పోసి నిప్పంటించినట్లు స్థానికులు తెలిపారు. అటవీ ప్రాంతం నుంచి కొందరు ఆకస్మికంగా రోడ్డుపైకి వచ్చి వాహనాన్ని అడ్డుకున్నట్లు చెప్పారు.

పూర్తిగా కాలిపోయిన వాహనం

ఈ ప్రమాదంలో ఎవరికి ఎటువంటి హానీ జరగలేదని సమాచారం. అయితే అగ్నిమాపక సిబ్బంది వచ్చేలోపే వాహనం పూర్తిగా కాలిపోయింది. ఘటనపై పోలీసులు దర్యాప్తు ప్రారంభించారు. కాగా పురులియాలోని 9 శాసనసభ స్థానాలకు శనివారమే పోలింగ్​ జరగనుంది.

బూడిదైన ఎన్నికల వాహనం

ఇదీ చూడండి:కొవిడ్ నిబంధనల మధ్య తొలి దశ పోలింగ్