కర్ణాటకలోని ఉత్తర కన్నడ జిల్లా అంకోలా ప్రాంతంలో దీపావళి వేడుకలను (diwali festival celebration) వినూత్నంగా జరుపుకుంటున్నారు. దీపావళి రోజు పూజలు చేసి, టపాసులు పేల్చీ పండగకు ముగింపు పలుకుతారు. కానీ.. అంకోలా ప్రాంతంలోని కొమరపంతా తెగ ప్రజలు మాత్రం హోందే హబ్బా అనే ఓ ప్రత్యేక కార్యక్రమంతో వేడుకలకు ముగిస్తారు. దీపావళి రోజున ఈ తెగ ప్రజలంతా ఒక చోటుకు చేరి రెండు గ్రూపులుగా విడిపోయి (whipping tradition in diwali) కొరడాలు, అడవిలో దొరికే హోందెకాయ్‌ అనే చిన్నచిన్న కాయలతో కొట్టుకుంటారు. హోందే హబ్బా అని పిలిచే ఈ ఆటలో రెండు వర్గాలు ఎదురెదురుగా నిలబడి హోందెకాయ్‌ కాయలను విసురుకుంటూ వేడుక జరుపుకుంటారు.
గాయాలపాలైనప్పటికీ..
హోందే హబ్బా ఆటను ఆడడంలోను కొన్ని నిబంధనలు పాటిస్తున్నారు. ఆటలో పాల్గొనే కొమరపంతా తెగ ప్రజలు (tribal festivals) కొరడాలతో ఎదుటివారిని కోపంతో కొట్టకూడదు. కేవలం ఒక ఉత్సవం లాగానే దీన్ని భావించి ఆడాల్సి ఉంటుంది. కాయలను విసిరినప్పుడు కేవలం ఎదుటి వ్యక్తి మోకాలి కింది భాగంలో తాకే విధంగానే కొట్టాలి. మోకాలి పైకి తాకేలా కొట్టిన వారు వెంటనే ఆటనుంచి నిష్క్రమించాల్సి ఉంటుంది. మధ్యలో గాయాలపాలైనప్పటికీ సంప్రదాయం ప్రకారం దాదాపు నాలుగు గంటల పాటు ఆటను కొనసాగిస్తారు. అనంతరం అంతా కలిసి (komarapanth festivals) స్థానికంగా ఉన్న వెంకటరమణ దేవాలయంలో పూజలు నిర్వహించి పండుగకు ముగింపు పలుకుతారు.