Digital Rape Case: ఉత్తర్ప్రదేశ్ నోయిడాలో డిజిటల్ రేప్ కేసు వెలుగుచూసింది. 80 ఏళ్ల వృద్ధుడు తనను 7 ఏళ్లుగా లైంగికంగా వేధిస్తున్నాడని 17 ఏళ్ల అమ్మాయి ఆరోపించింది. దీంతో పోలీసులు అతడ్ని అదుపులోకి తీసుకున్నారు. పోక్సో చట్టం కింద కేసు నమోదు చేశారు. ఈ కేసులో నిందితుడి పేరు మౌరిస్ రైడర్. పెయింటర్గా పనిచేస్తున్నాడు. అలహాబాద్కు చెందిన ఇతడు నోయిడాలో తన స్నేహితురాలితో కలిసి నివసిస్తున్నాడు. ఇంట్లో పని చేసేందుకు ఓ బాలికను పెట్టుకున్నారు. ఏడేళ్లుగా ఆమె ఇక్కడే పనిచేస్తోంది.
Digital rape news: అయితే మౌరిస్ రైడర్.. తనను పనిలో చేరినప్పటి నుంచి లైంగికంగా వేధిస్తున్నాడని బాలిక ఆరోపించింది. ఇందుకు సంబంధించిన ఆధారాలను, వీడియో, ఆడియో రికార్డుల రూపంలో అందజేసింది. దీంతో పోలీసులు నిందితుడిపై సెక్షన్ 376, 323, 506తో పాటు పోక్సో చట్టం కింద కేసు నమోదు చేశారు. డిజిటల్ రేప్ అభియోగాలు మోపారు.
నిందితుడిని కోర్టులో హాజరుపరిచిన పోలీసులు ఇప్పుడు డిజిటల్ రేప్ అంటే ఏంటి? అనే చర్చ మొదలైంది. డిజిటల్ అంటే ఇంటర్నెట్తో ఏమైనా సంబంధం ఉంటుందా? అనే సందేహాలు వ్యక్తమయ్యాయి. అయితే డిజిటల్, రేప్ రెండు వేర్వేరు పదాలు. డిజిట్ అంటే ఆంగ్లంలో అంకె అని అర్థం. ఇంగ్లిష్ డిక్షనరీలో శరీర భాగాలకు కూడా నంబర్లు ఉంటాయి. అందుకే డిజిట్, రేప్ కలిపి డిజిటల్ రేప్ అని పేరు పెట్టారు. డిజిటల్ రేప్ అంటే.. బాధితురాలి జననాంగంలోకి నిందితుడు చేతి వెేళ్లు, కాలి వేళ్లు లేక వస్తువులను చొప్పించడం.
Noida Digitial Rape: ఈ తరహా కేసు భారత్లో నమోదవ్వడం ఇదే తొలిసారి కాదు. 2016లోనూ ఓ పాఠశాల బాలిక బస్సులో ఇంటికి తిరిగివెళ్తుండగా.. కండక్టర్ అసభ్యంగా ప్రవర్తించి లైంగికంగా వేధించాడు. ఆ చిన్నారి ఇంట్లో వాళ్లకు ఈ విషయం చెప్పింది. దీంతో తల్లిదండ్రులు తీవ్ర ఆగ్రహం వ్యక్తం చేశారు. ఈ ఘటనపై పెద్ద ఎత్తున నిరసనలు కూడా వెల్లువెత్తాయి. దీంతో పోలీసులు కండక్టర్ను అరెస్టు చేశారు. న్యాయస్థానం అతడికి 20 ఏళ్ల జైలు శిక్ష విధించింది. అప్పటి నుంచి చిన్నారుల భద్రత కోసం డిజిటల్ రేప్పై అవగాహన కల్పించేందుకు ప్రత్యేక కార్యక్రమాలు కూడా చేపట్టారు. సోషల్ మీడియాలో విస్తృత ప్రచారం నిర్వహించారు.
ఇదీ చదవండి:బిహార్లో బాల్యవివాహం.. మాకేం తెలీదన్న పోలీసులు!
