పోల్ను ఢీకొట్టిన 'ఆడి' కారు.. ఎమ్మెల్యే కుమారుడు, కోడలు మృతి
కర్ణాటక బెంగళూరులోని కోరమంగళలో ఘోర రోడ్డు ప్రమాదం జరిగింది. ఆడి కారు.. విద్యుత్ స్తంభాన్ని ఢీకొట్టగా ఏడుగురు ప్రాణాలు కోల్పోయారు. ఇందులో తమిళనాడు హోసూరు డీఎంకే ఎమ్మెల్యే ప్రకాశ్ తనయుడు కరుణసాగర, కోడలు బిందు కూడా ఉన్నారు.
మృతుల్లో మొత్తం ముగ్గురు మహిళలున్నారు.
మంగళ్ కన్వెన్షన్ హాల్ వద్ద అర్ధరాత్రి 1.30 గంటల సమయంలో ఈ ఘటన జరిగినట్లు పోలీసులు తెలిపారు. ఆరుగురు ఘటనా స్థలంలోనే మరణించగా.. మరొకరు ఆసుపత్రికి తరలించే క్రమంలో చనిపోయినట్లు పేర్కొన్నారు. మృతులను కరుణసాగర, బిందు, ఇషిత, డా.ధనూష, అక్షయ్ గోయల్, ఉత్సవ్, రోహిత్గా గుర్తించారు.
పోల్ను ఢీకొట్టగా.. కారులో ఒక్కసారిగా మంటలు చెలరేగి దగ్ధమైనట్లు తెలుస్తోంది.