Road Accident: ఝార్ఖండ్లోని పాలము జిల్లా హరిహరగంజ్లో శుక్రవారం సాయంత్రం ఘోర రోడ్డు ప్రమాదం జరిగింది. ఈ ఘటనలో ఆరుగురు మృతిచెందగా.. 18 మంది గాయపడ్డారు. వీరిలో ఆరుగురి పరిస్థితి విషమంగా ఉన్నట్లు అధికారులు వెల్లడించారు. మృతుల సంఖ్య పెరిగే అవకాశం ఉందని పేర్కొన్నారు.
ఇదీ జరిగింది..
పాలము జిల్లా పంకీ గ్రామానికి చెందిన కూలీలు శుక్రవారం సాయంత్రం.. బిహార్లోని సిహుడీ గ్రామం నుంచి తిరిగివస్తున్నారు. ఈ క్రమంలో వారు ప్రయాణిస్తున్న వ్యాన్ను ఓ ట్రక్కు ఢీకొట్టింది. ఈ ప్రమాదంలో ముగ్గురు అక్కడికక్కడే ప్రాణాలు కోల్పోయారు. మరో ముగ్గురు చికిత్స పొందుతూ మృతిచెందారు. మృతుల్లో ముగ్గురు మహిళలు ఉన్నారు. మరోవైపు గాయపడిన 18 మందిలో ఆరుగురి పరిస్థితి విషమంగా ఉన్నట్లు అధికారులు వెల్లడించారు.
ఇదీ చూడండి :14 ఏళ్ల దివ్యాంగురాలిపై గ్యాంగ్ రేప్.. 60 ఏళ్ల వృద్ధుడు కూడా...