రిటైర్మెంట్​ వయసులో 10వ తరగతి పరీక్ష

కర్ణాటకకు చెందిన 57 ఏళ్ల వ్యక్తి పదో తరగతి పరీక్షకు హాజరై చదువుకు వయసుతో సంబంధం లేదని నిరూపించారు. పోలీస్​ శాఖలో ఉద్యోగిగా ఉన్న మంజునాథ్​.. పదోన్నతి కోసం ఈ పరీక్ష రాసినట్లు వెల్లడించారు.

కర్ణాటకలోని కోలార్​ జూనియర్​ కాలేజీలో నిర్వహించిన పదవ తరగతి పరీక్షకు హాజరైన వారిలో ఓ వృద్ధుడు అక్కుడున్న వారి దృష్టిని ఆకర్షించారు. కురుబరపేటెకు చెందిన 57 ఏళ్ల మంజునాథ్​.. 10వ తరగతి పరీక్ష రాసేందుకు అక్కడికి వచ్చారు.

మంజునాథ్​ ప్రయత్నం అందరికీ స్ఫూర్తిగా నిలుస్తోంది. చదువుకు వయసుతో సంబంధం లేదని ఆయన నిరూపించారు. పోలీస్​ శాఖలో ఉద్యోగిగా ఉన్న మంజునాథ్​.. పదోన్నతి కోసం ఈ పరీక్ష రాసినట్లు వెల్లడించారు. ఈ పరీక్ష పాసైతే పదోన్నతి​ వస్తుందని ఆశాభావం వ్యక్తం చేశారు.

ఇదీ చూడండి :హెచ్చరికలు పట్టించుకోకుండా వెళ్లారు.. చివరకు..