కరోనా 'మహా' విలయం- మరో 56వేల కేసులు

దేశవ్యాప్తంగా కరోనా విజృంభణ కొనసాగుతోంది. మహారాష్ట్రలో ఆదివారం ఒక్కరోజే 56,647 మందికి పాజిటివ్​గా నిర్ధరణ అయింది. కరోనాతో మరో 669 మంది ప్రాణాలు కోల్పోయారు. కర్ణాటకలో ఒక్కరోజే 37,733 కరోనా కేసులు వెలుగు చూశాయి.

దేశంలో కొవిడ్​ కల్లోలం కొనసాగుతోంది. మహారాష్ట్రలో ఆదివారం కరోనా కేసులు స్వల్పంగా తగ్గాయి. కొత్తగా 56,647 మందికి పాజిటివ్​గా నిర్ధరణ అయింది. కరోనాతో మరో 669 మంది మరణించారు. ఒక్క పుణె జిల్లాలోనే..11,661 మందికి కరోనా సోకినట్లు తేలింది. కొవిడ్​ కారణంగా మరో 159 మంది మరణించారు. ముంబయి నగరంలో 3,672 మందికి కరోనా సోకగా.. మరో 79 మంది ప్రాణాలు కోల్పోయారు.

కర్ణాటకలో కొత్తగా 37,733 కరోనా కేసులు వెలుగు చూశాయి. వైరస్​ ధాటికి మరో 217 మంది మృతి చెందారు.

వివిధ రాష్ట్రాల్లో కరోనా కేసులు..

రాష్ట్రం	తాజా కరోనా కేసులు	తాజా మరణాలు
రాజస్థాన్	18,298	159
తమిళనాడు	20,768	153
కేరళ	31,959	49
ఉత్తర్​ప్రదేశ్​	30,983	290
గుజరాత్	12,978	153
మధ్యప్రదేశ్	12,662	94
బంగాల్	17,512	103
దిల్లీ	20,394	407

ఇదీ చూడండి:'దేశవ్యాప్తంగా ఉచిత టీకా డ్రైవ్​ చేపట్టండి'