కర్ణాటక రాయిచూర్లో ఓ ఆసక్తికర ఘటన జరిగింది. హూనూర్ గ్రామంలోని ఓ వ్యక్తి కొనుక్కున్న స్నాక్స్ ప్యాకెట్లో అక్షరాల రూ.500 నోటు దొరికింది. ఈ విషయం తెలుసుకున్న గ్రామస్థులంతా ఆశ్యర్యానికి గురయ్యారు. మొదట ఈ విషయాన్ని ఎవరూ నమ్మలేదు. అయితే ఆ తర్వాత కూడా కొంతమందికి అలానే డబ్బులు దొరకడం వల్ల ప్రజల్లో నమ్మకం ఏర్పడింది. దీంతో ఆ స్నాక్ ప్యాకెట్ను కొనేందుకు స్థానికులంతా ఆసక్తి చూపారు.
రూ.5 స్నాక్స్ ప్యాకెట్లో రూ.500 నోట్లు.. దుకాణాల వద్ద గ్రామస్థుల క్యూ..
ఐదు రూపాయల స్నాక్స్ ప్యాకెట్లో 500 రూపాయల నోటు దొరికింది. దీంతో ఆశ్చర్యపోయిన గ్రామస్థులు ప్యాకెట్ కొనుగోలు చేసేందుకు దుకాణం చుట్టూ బారులు తీరారు. ఈ వింత సంఘటన కర్ణాటకలో జరిగింది.
కుర్కురే ప్యాకెట్లో దొరికిన 500 రూపాయల నోటు
ఆ ప్యాకెట్ను కొనుగోలు చేసేందుకు గ్రామస్థులంతా దుకాణాలకు బారులు తీరారు. గ్రామస్థులు ఆ స్నాక్స్ ప్యాకెట్స్ కోసం ఎగబడటం వల్ల ఆ గ్రామంలో ఉన్న ప్యాకెట్లన్నీ అమ్ముడుపోయాయి. ఇప్పుడు గ్రామంలోని ఏ షాపులోనూ ఆ స్నాక్స్ ప్యాకెట్స్ దొరకడం లేదని ఓ దుకాణ యజమాని తెలిపారు.
Last Updated : Dec 17, 2022, 4:30 PM IST