ఐదేళ్ల చిన్నారిని ఎత్తుకెళ్లిన చిరుత.. ఆడుకుంటూ ఉండగా...

ఇంటిబయట ఆడుకుంటున్న ఓ ఐదేళ్ల చిన్నారిని చిరుత (Shimla leopard attack) ఎత్తుకెళ్లింది. అర్ధరాత్రి నుంచే గాలింపు చర్యలు (Man-animal conflict) చేపట్టినా.. చిన్నారి జాడ దొరకలేదు.

గ్రామాల్లో సంచరిస్తూ క్రూరమృగాలు భయపెడుతున్నాయి. అటవీ ప్రాంతం ఎక్కువగా ఉండే.. హిమాచల్​ ప్రదేశ్​ శిమ్లాలో వీటి బెడద మరీ ఎక్కువైంది. గురువారం రాత్రి.. పాత బస్టాండ్​ ప్రాంతంలోని తన ఇంటి ఎదుట ఆడుకుంటున్న ఓ ఐదేళ్ల చిన్నారిని ఓ అడవి జంతువు (Wild animal attack Shimla) ఎత్తుకెళ్లింది. అది చిరుతేనని (Shimla leopard attack) అనుమానిస్తున్నారు అటవీ శాఖ అధికారులు. వెంటనే రంగంలోకి దిగి.. గాలింపు చర్యలు చేపట్టారు.

అర్ధరాత్రి నుంచి వెతికినా.. బాలుడి ఆచూకీ దొరకలేదు. ర్యాపిడ్​, క్విక్​ రెస్పాన్స్​ దళాలు పోలీసులతో సంయుక్తంగా బాలుడిని వెతికే పనిలో పడ్డారు.

బాలుడితో పాటు ఉన్న మరో చిన్న పిల్లాడు కుటుంబసభ్యులకు సమాచారం అందించగా.. విషయం వెలుగులోకి వచ్చింది.

శిమ్లాలో ఇలాంటి ఘటన జరగడం 3 నెలల్లో ఇది రెండోసారి. ఆగస్టులో ఇలాగే ఐదేళ్ల బాలికను చిరుత (Wild animal attack Shimla) ఎత్తుకెళ్లి చంపింది. అప్పటినుంచి స్థానికులు భయభ్రాంతులకు గురవుతున్నారు.

ఇదీ చూడండి: దారుణం.. 9వ తరగతి బాలికపై తండ్రీకొడుకులు అత్యాచారం