ఉత్తర్ప్రదేశ్‌ ప్రయాగ్‌రాజ్‌లోని సంగం నగరంలో దారుణం జరిగింది. ఒకే కుటుంబానికి చెందిన ఐదుగురు హత్యకు గురయ్యారు. ఇందులో ఓ చిన్నారి, దివ్యాంగురాలు, ఇద్దరు మహిళలు ఉన్నారు.
అసలేమైంది?: తర్వాయి పోలీస్ స్టేషన్ పరిధిలోని గారాపూర్ నుంచి సికంద్రా వెళ్లే రోడ్డు పక్కన రాజ్‌కుమార్ యాదవ్ కుటుంబంతో కలిసి నివాసం ఉంటున్నాడు. తెల్లవారుజామున ఇంట్లోకి ప్రవేశించిన దుండగులు కుటుంబ సభ్యులందరినీ హత్య చేశారు. రాజ్‌కుమార్ యాదవ్, అతని భార్య కుసుమ్ దేవి, కోడలు సవిత, దివ్యాంగురాలైన కుమార్తె మనీషా, మనవరాలు సాక్షిని దారుణంగా చంపారు. విషయం తెలుసుకున్న పోలీసులు ఘటనా స్థలానికి చేరుకున్నారు. అందరినీ ఆస్పత్రికి తరలించారు. అక్కడ వైద్యులు.. అందరూ అప్పటికే చనిపోయినట్లు ప్రకటించారు.