కశ్మీర్​లో నాలుగో విడత 'స్థానిక' పోరు ప్రశాంతం

జమ్ముకశ్మీర్​ స్థానిక ఎన్నికల పోలింగ్​ ప్రశాంతంగా ముగిసింది. ఈ నాలుగో విడతలో మొత్తం 34 స్థానాలకు పోలింగ్​ జరిగింది. అనేక పోలింగ్​ కేంద్రాల్లో ఓటు వేసేందుకు ప్రజలు బారులు తీరారు. మొత్తం 8 విడతల్లో జమ్ము స్థానిక ఎన్నికలు జరుగుతున్నాయి.

జమ్ముకశ్మీర్​ జిల్లా అభివృద్ధి మండలి(డీడీసీ) ఎన్నికల నాలుగో విడత పోలింగ్​ ప్రశాంతంగా ముగిసింది. మొత్తం 34 స్థానాలకు పోలింగ్​ జరగ్గా.. ఉదయం 7 గంటల నుంచి మధ్యాహ్నం 2 గంటల వరకు ప్రజలు తమ ఓటు హక్కును వినియోగించుకున్నారు.

మొత్తం మీద 50.08శాతం పోలింగ్​ నమోదైనట్టు ఎన్నికల సంఘం ప్రకటించింది. ఓటింగ్​ వేళ.. బాజల్తా, బుద్గాం, బుధాల్​, మంజాకోట్​లోని అనేక పోలింగ్​ కేంద్రాలు ఓటర్లతో కిటకిటలాడాయి.

బుధాల్​లో ఓటర్ల నిరీక్షణ

అన్ని పోలింగ్​ స్టేషన్లలో భారీ భద్రత ఏర్పాటు చేశారు అధికారులు. అదే సమయంలో కొవిడ్​-19 నేపథ్యంలో ప్రత్యేక జాగ్రత్తలు తీసుకున్నారు. పోలింగ్​ కేంద్రంలోకి వచ్చిన వారి ఉష్ణోగ్రతను సరిచూసిన తర్వాతే లోపలకు పంపించారు.

కరోనా నిబంధనలతో పోలింగ్​

ఓటేసిన యువకుడు

ఓటేసిన భాజపా అభ్యర్థి

డీడీసీ ఎన్నికల నాలుగో విడతతో పాటు.. ఖాళీగా ఉన్న 50 సర్పంచ్​ స్థానాలకు కూడా పోలింగ్​ జరిగింది. 137మంది అభ్యర్థులు ఇందులో పోటీపడ్డారు.

ఓ పోలింగ్​ కేంద్రం వద్ద పరిస్థితి

కశ్మీర్​లోని ఓ పోలింగ్​ కేంద్రంలో

భద్రత నడుమ పోలింగ్​

8 విడతల్లో..

కశ్మీర్​లో ఆర్టికల్ 370 రద్దు తర్వాత తొలిసారి ప్రజాస్వామ్యబద్ధంగా జరుగుతున్న ఎన్నికలను 8 విడతల్లో నిర్వహిస్తోంది ప్రభుత్వం. నవంబర్​ 28, డిసెంబర్​1, డిసెంబర్​ 4న మొదటి మూడు దశల పోలింగ్ పూర్తయింది.

ఇదీ చూడండి:-స్వల్ప వ్యవధిలోనే 19 భూకంపాలు