'చొరబాటు కుట్ర భగ్నం'లో మరో జవాను వీరమరణం

కశ్మీర్​లో ఉగ్రవాదుల చొరబాటు కుట్రను భగ్నం చేసే క్రమంలో మరో సైనికుడు అమరుడయ్యాడు. కుప్వారా జిల్లాలోని మాచిల్​ నియంత్రణ రేఖ వెంబడి ఈ ఘటన జరిగింది. సైన్యానికి చెందిన వారిలో మొత్తం నలుగురు ప్రాణాలు విడిచారు. ఈ ఆపరేషన్​లో ఇప్పటివరకు ముగ్గురు ఉగ్రవాదులను హతమర్చాయి భద్రతా బలగాలు.

కశ్మీర్​​లో ఉగ్రవాదుల చొరబాటు కుట్రను భగ్నం చేసే క్రమంలో మరో జవాన్​ వీరమరణం పొందాడు. మాచిల్​ సెక్టర్​లో నియంత్రణ రేఖ వెంబడి ఉగ్రవాదులు చొరబాటుకు యత్నించగా.. వారిని ఎదుర్కొనే క్రమంలో ఈ ఘటన జరిగింది. ఈ ఆపరేషన్​లో ఇప్పటివరకు ఓ ఆర్మీ అధికారి, ముగ్గురు సైనికులు, ఓ బీఎస్​ఎఫ్​ జవాను ప్రాణాలు కోల్పోయారు.

ఉత్తర కశ్మీర్​ కుప్వారా జిల్లాలో శనివారం అర్ధరాత్రి వేళల్లో ఉగ్రవాదులు.. భారత భూ భాగంలోకి ప్రవేశించేందుకు ప్రయత్నించారు. వారి కదలికల్ని పసిగట్టిన బలగాలు.. అప్రమత్తమై ప్రతిఘటించాయి. ఈ ఆపరేషన్​లో ముగ్గురు ముష్కరులను హతమార్చింది భారత సైన్యం. అనంతరం వారి నుంచి 2 ఏకే రైఫిళ్లు, 2 పిస్టళ్లు, ఇతర ఆయుధాలు సహా.. ఓ రేడియో, రూ. 50వేల నగదు స్వాధీనం చేసుకున్నట్టు సైన్యాధికారులు తెలిపారు.

ఇదీ చదవండి:మాజీ​ ఎస్సైకు కడుపు నిండాలంటే.. చెత్త ఏరాల్సిందే!