కొవిడ్ ఆస్పత్రిలో అగ్నిప్రమాదం- నలుగురు మృతి

మహారాష్ట్ర నాగ్​పుర్​లోని ఓ ప్రైవేటు కొవిడ్ ఆసుపత్రిలో జరిగిన అగ్నిప్రమాదంలో నలుగురు రోగులు మృతిచెందారు. శుక్రవారం రాత్రి ఈ ప్రమాదం జరిగినట్లు ఆసుపత్రి వర్గాలు వెల్లడించాయి.

మహారాష్ట్ర నాగ్​పుర్ కొవిడ్ ఆసుపత్రిలో అగ్నిప్రమాదం సంభవించింది. ఈ ఘటనలో నలుగురు రోగులు మృతిచెందారు. మరికొందరికి తీవ్రంగా గాయాలయ్యాయి.

నాగ్ పూర్ ఆసుపత్రిలో అగ్నిప్రమాదం

సహాయక బృందాలు

శుక్రవారం రాత్రి 8.10 గంటలకు వాడి ప్రాంతంలోని ప్రైవేటు ఆసుపత్రిలో ఈ అగ్నిప్రమాదం జరిగినట్లు అధికారులు పేర్కొన్నారు. ఆసుపత్రి రెండో అంతస్తులో ఉన్న ఐసీయూ గదిలో అగ్నిప్రమాదం తొలుత సంభవించినట్లు ఆసుపత్రి వర్గాలు తెలిపాయి.

ఆసుపత్రికి చేరిన అగ్నిమాపక సిబ్బంది

ఈ ఘటనపై ప్రధాని నరేంద్ర మోదీ దిగ్భ్రాంతి వ్యక్తం చేశారు. మృతుల కుటుంబాలకు సంతాపం తెలిపారు. గాయాలతో ప్రమాదం నుంచి బయటపడిన వారు త్వరగా కోలుకోవాలని ట్వీట్​ చేశారు.

ఇదీ చదవండి:మహారాష్ట్రలో పూర్తి స్థాయి లాక్​డౌన్​!