Sexual assault: కేరళలోని కొట్టాయం జిల్లాలో అమానవీయ ఘటన వెలుగు చూసింది. కంటికి రెప్పలా కాపాడాల్సిన తండ్రే.. దివ్యాంగురాలైన కుమార్తెపై అత్యాచారానికి పాల్పడ్డాడు. మాటలు రాని ఆ యువతి తనపై జరిగిన అఘాయిత్యాన్ని ఎవరికీ చెప్పలేని పరిస్థితి.
సైగలతో తనపై తండ్రి చేసిన దుశ్చర్యను తల్లికి వివరించగా.. ఆమె పోలీసులకు ఫిర్యాదు చేసింది. ప్రస్తుతం నిందితుడు పరారీలో ఉన్నట్లు పోలీసులు తెలిపారు. బాధితురాలు మూగ కావటం వల్ల ఆమె వాంగ్మూలం నమోదు చేయలేకపోయామని, వైద్య పరీక్షల అనంతరం తగిన చర్యలు తీసుకుంటామన్నారు.