ఇటీవల డీఆర్డీఓ రూపొందించిన 2డీజీ (2-డీయాక్సీ-డీ-గ్లూకోజ్) కొవిడ్ ఔషధాన్ని డీఆర్డీఈ గ్వాలీయర్ 25 ఏళ్ల క్రితమే రూపొందించిందని ఆ సంస్థ మాజీ సీనియర్ శాస్త్రవేత్త డాక్టర్ కరుణ శంకర్ పాండే వెల్లడించారు. ఈ 2డీజీ అణువును రూపొందించాలని నాటి డీఆర్డీఓ డైరక్టర్ ఏపీజే అబ్దుల్ కలాం సూచించారని తెలిపారు. 'ఈటీవీ భారత్'కు ఇచ్చిన ఇంటర్వ్యూలో ఈ వ్యాఖ్యలు చేశారు.
అమెరికాకు దీటుగా..
"1995 కన్నా ముందు భారత్.. ఐఎన్ఎంఏఎస్ (ఇన్స్టిట్యూట్ ఆఫ్ న్యూక్లియర్ మెడిసిన్ అండ్ అలాయిడ్ సైన్సెస్) ద్వారా అమెరికా నుంచి ఔషధాలను దిగుమతి చేసుకునేది. అయితే దిగుమతి చేసుకోవడంలో సమస్యలు తలెత్తేవి. దీని పరిష్కారం గురించి ఆలోచిస్తున్న సమయంలో నాటి డీఆర్డీఓ డైరక్టర్ జనరల్ ఏపీజే అబ్దుల్ కలాం డీఆర్డీఈ డైరక్టర్ స్వామిని సంప్రదించి 2డీజీ కణాన్ని రూపొందించమని సూచించారు."
- డాక్టర్ కరుణ శంకర్ పాండే, డీఆర్డీఈ గ్వాలియర్ మాజీ శాస్త్రవేత్త
అమెరికా ఆగ్రహం..
2డీజీ కణాన్ని తయారు చేయాలని కలాం సూచించిన సమయంలోనే బ్రెయిన్ ట్యూమర్ల చికిత్సకు తగిన ఔషధాన్ని తయారు చేయమని ఐఎన్ఎంఏఎస్కు జర్మనీ ప్రాజెక్టును అప్పజెప్పిందని పాండే వెల్లడించారు. ఈ చర్యపై ఆగ్రహం వ్యక్తం చేసిన అమెరికా.. 1998 జనవరి 9న ఆ దేశంలోని 23 ల్యాబ్స్పై నిషేధం విధించిందని తెలిపారు. దీంతో 2డీజీ కణాల అభివృద్ధి ప్రాజెక్టును ఐసీఎంఆర్ అనుమతితో ప్రారంభించామని పాండే పేర్కొన్నారు.
పాండే నేతృత్వంలో..
2డీజీ కణాల అభివృద్ధి ప్రాజెక్టుకు డాక్టర్ కరుణ శంకర్ పాండే నేతృత్వం వహించారు. 1998 ఫిబ్రవరిలో పేటెంట్ ప్రక్రియ ప్రారంభం కాగా.. 2002లో ఔషధానికి ఆమోదం లభించింది.
ఈ ప్రాజెక్టులో డాక్టర్ పాండే సహా డాక్టర్ శశినాథ్ దూబే, డాక్టర్ రామ్మూర్తి వేదనాథ్ స్వామి, ఐఎన్ఎంఏఎస్కు చెందిన డాక్టర్ రాకేశ్ కుమార్, డాక్టర్ బీఎస్ ద్వారకానాథ్లు ఉన్నారు. ఈ ఔషధం క్యాన్సర్ చికిత్సలో కూడా ప్రభావితం చేస్తుందని రుజువు అయింది.
ఇదీ చదవండి :బ్లాక్ ఫంగస్ ముప్పు పురుషులకే అధికం!
