కరోనా రెండో దశలో 270మంది వైద్యులు మృతి

కరోనా రెండో దశ ప్రారంభం నుంచి ఇప్పటివరకు మొత్తం 270 మంది వైద్యులు కొవిడ్​కు బలైనట్లు భారతీయ వైద్య సంఘం(ఐఎంఏ) తెలిపింది. గతేడాది ఈ సంఖ్య 748గా ఉన్నట్లు ఐఎంఏ అధ్యక్షుడు జేఏ జయలాల్​ వెల్లడించారు.

రెండో దశలో కరోనా ధాటికి ఇప్పటి వరకు 270 మంది డాక్టర్లు మరణించినట్లు భారతీయ వైద్య సంఘం(ఐఎంఏ) మంగళవారం వెల్లడించింది. చనిపోయిన వారి జాబితాలో ఐఎంఏ మాజీ అధ్యక్షుడు కేకే అగర్వాల్​ కూడా ఉన్నట్లు తెలిపింది.

ఎక్కువ మంది వైద్యులు బిహార్​లో(78) చనిపోయినట్లు పేర్కొంది. తరువాతి స్థానాల్లో ఉత్తర్​ప్రదేశ్ (37), దిల్లీ (29), ఆంధ్రప్రదేశ్​ (28)లు ఉన్నట్లు వివరించింది. ​

కొవిడ్​ మొదటి దశలో 748 మంది వైరస్ బారిన పడి మృత్యువాత పడినట్లు ఐఎంఏ తన గణాంకాల్లో పేర్కొంది.

"గతేడాది 748 మంది వైద్యులు కొవిడ్​తో కన్నుమూశారు. రెండో దశ ప్రారంభమైన అతి తక్కువకాలంలోనే 270 మంది చనిపోవడం చాలా బాధాకరం"

- డా. జేఏ జయలాల్, ఐఎంఏ అధ్యక్షుడు

కరోనా రెండో దశ చాలా తీవ్రంగా ఉందన్న జయలాల్​.. ఎక్కువ మంది వైద్యసిబ్బంది మృత్యువాత పడే అవకాశం ఉన్నట్లు పేర్కొన్నారు.

ఇదీ చూడండి:ఐఎంఏ మాజీ అధ్యక్షుడు కన్నుమూత