త్రిపురలోని ధలాయి జిల్లా అంబసా ప్రాంతంలోని కొవిడ్ కేంద్రం నుంచి 25 మంది రోగులు పరారయ్యారు. ఈ ఘటన సోమవారం అర్ధరాత్రి జరిగింది. అయితే ఆ తర్వాత పోలీసుల చేపట్టిన గాలింపులో ఏడుగురు స్థానిక రైల్వే స్టేషన్ వద్ద పట్టుబడ్డారు.
రాష్ట్ర ముఖ్యమంత్రి, ఆరోగ్య శాఖ మంత్రి బిప్లవ్ కుమార్ దేవ్ అంబాసా కొవిడ్ కేంద్రాన్ని బుధవారం సందర్శించాల్సి ఉంది. ఈ నేపథ్యంలో రోగులు పరారవడం అధికారులను ఆందోళనకు గురిచేసింది.
ఇదీ జరిగింది..
ఈనెల 7న వివిధ రాష్ట్రాలకు చెందిన 62 మంది వలస కూలీలు రైలు ద్వారా అంబసా చేరుకున్నారు. వారికి కొవిడ్ పరీక్షలు నిర్వహించగా వారికి వైరస్ ఉన్నట్లు తేలింది. దీంతో వారిని కొవిడ్ చికిత్స కేంద్రానికి తరలించారు. అయితే సోమవారం అర్ధరాత్రి సుమారు ఒంటి గంటకు 25 మంది రోగులు ఎంట్రెన్స్లో ఉన్న గ్రిల్స్ను బద్దలు కొట్టి పరారయ్యారు. మరుసటి రోజు ఉదయం దీనిని గమనించిన అధికారి.. ఉన్నతాధికారులకు సమాచారం అందించారు. అప్రమత్తం అయిన అధికారులు పరారైన వారి కోసం గాలింపు చర్యలు చేపట్టగా ఏడుగురు పట్టుబడ్డారు.
200 మంది పరారు..
నేపాల్తిలా ప్రాంతంలోనూ ఇటువంటి ఘటనే జరిగింది. పరీక్షలు చేయించుకోవాల్సిన 200 మంది వలస కూలీలు పరారయ్యారు.
ఇదీ చదవండి :దా'రుణ' యాప్ కేసులో రూ.76 కోట్ల ఆస్తులు సీజ్
