ఆక్సిజన్ అందక ఇద్దరు కరోనా రోగులు మృతి

రాజస్థాన్​లోని అజ్​మేర్​లో ఆక్సిజన్​ అందక ఇద్దరు కరోనా రోగులు మృతి చెందారు. ఆక్సిజన్​ ప్లాంట్​ నుంచి సరఫరా తగ్గినందువల్లే ఈ సమస్య తలెత్తిందని ఆస్పత్రి సిబ్బంది వెల్లడించారు.

రాజస్థాన్​ అజ్​మేర్​లోని జవహర్​లాల్​ నెహ్రూ ఆస్పత్రిలో ఇద్దరు కొవిడ్​ రోగులు ఆక్సిజన్​ అందక ప్రాణాలు కోల్పోయారు. ఈ ఘటన శుక్రవారం రాత్రి జరిగింది.

అర్ధరాత్రి సుమారు 12 గంటలకు వార్డులోకి ఆక్సిజన్ సరఫరా ఆగిపోయింది. ఈ విషయంపై సిబ్బందిని అప్రమత్తం చేయగా 10 నిమిషాల తర్వాత ఆక్సిజన్​ను పునరుద్ధరించారని బాధిత కుటుంబ సభ్యులు తెలిపారు. అయితే అప్పటికే వారు మృతి చెందినట్లు పేర్కొన్నారు.

ఆక్సిజన్​ ప్లాంట్​ నుంచి సరఫరా తగ్గినందు వల్లే ఈ ఇబ్బంది తలెత్తిందని ఆస్పత్రి సిబ్బంది వెల్లడించారు. అయితే ఈ ఘటనకు సంబంధించి యాజమాన్యం ఇంకా ఎలాంటి అధికార ప్రకటన విడుదల చేయలేదు.

ఇదీ చదవండి :కేంద్రం తీరుపై 'సీరం' మండిపాటు- కారణమదే