మలవిసర్జన కోసం అడవికి వెళ్లిన 17 ఏళ్ల అమ్మాయి చివరకు శవమై కనిపించినట్లు పోలీసులు తెలిపారు. ఈ ఘటన లాలౌలీ పోలీస్ స్టేషన్ పరిధిలో జరిగినట్లు పేర్కొన్నారు. ఘటనా స్థలంలో అమ్మాయి గొంతు కోసి పడేసినట్లు పోలీసులు అనుమానిస్తున్నారు. దుండగులు అత్యాచారానికి యత్నించగా ప్రతిఘటించడంతో హత్య చేసినట్లు కుటుంబ సభ్యులు అనుమానం వ్యక్తం చేశారు.
ఇదీ జరిగింది..
శనివారం తెల్లవారుజామున.. ఆ యువతి మల విసర్జనకు అడవికి వెళ్లింది. అయితే ఆమె ఎంతకూ తిరిగి రాకపోవడం కారణంగా.. కుటుంబ సభ్యులు వెతుకులాట ప్రారంభించారు. చివరగా ఆమె మృతదేహాన్ని సమీప పొలాల్లో కనుగొన్నట్లు జఫర్‌గంజ్ సర్కిల్ ఆఫీసర్ సంజయ్ కుమార్ సింగ్ తెలిపారు. ఘటనా స్థలిలో అమ్మాయి ఒంటిమీద బట్టలు దూరంగా పడున్నాయని పేర్కొన్నారు. మృతదేహాన్ని పోస్టుమార్టంకు తరలించామని వివరించారు. బాధితురాలి తండ్రి ఇచ్చిన ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నట్లు స్పష్టం చేశారు.
ఇదీ చూడండి:
