బాల మేధావి అద్భుత ప్రతిభ- 14 ఏళ్ల వయసులోనే రోబో తయారీ

Interactive robot: ఆటలాడుకునే వయసులో అద్భుతాలు చేస్తున్నాడు ఓ బాలుడు. ఇంజనీరింగ్​ విద్యార్థులకు కూడా సాధ్యం కాని రోబోలను తయారు చేస్తున్నాడు. ఇంటి పనికి ఉపయోగించే వాటి నుంచి మాట్లాడే రోబోల వరకు సొంతంగా రూపొందిస్తున్నాడు. ఎన్నో ప్రయత్నాలు వెక్కిరించినా సరే... పట్టువదని విక్రమార్కుడిలా అనుకున్నది సాధించాడు ఈ బుల్లి మేధావి. కేరళకు చెందిన భావి భారత శాస్త్రవేత్త గురించి మరిన్ని విషయాలు తెలుసుకుందాం.

Interactive robot: కేరళలోని పతానంతిట్టకు చెందిన 14 ఏళ్ల బాలుడు సిదాన్​ అద్భుతాలు చేస్తున్నాడు. చదువుతున్నది 9వ తరగతి అయినా.. సొంతంగా ఓ రోబోను తయారు చేశాడు. దీనికి ఓ పేరు కూడ పెట్టాడు. రాస్పీ అని పిలిచే ఈ రోబో.. రజనీకాంత్​ సినిమాలో చూపించిన విధంగా.. సిదాన్​ ఇచ్చే వాయిస్​ కమాండ్ల ప్రకారం నడుచుకుంటుంది.

తాను తయారు చేసిన ఇంట్రాక్టివ్​ రోబోతో సిదాన్​

రాస్పి తో సిదాన్​

ఈ రోబో సిదాన్ చెప్పినట్లుగా నడుచుకుంటుంది. అడిగిన వాటికి సమాధానాలను ఇంటర్నెట్​లో వెతికి పెడుతుంది. ఇదంతా వాయిస్​ కమాండ్ల రూపంలో జరుగుతుంది. ఇందులో కీలకమైన ఇంటరాక్టివ్​ సాప్ట్​వేర్​ను సిదాన్​నే అభివృద్ధి చేశాడు. ఇందుకోసం కంప్యూటర్ కోడ్​ ల్యాంగ్వేజ్​ అయిన పైతాన్​ను కూడా నేర్చుకున్నాడు. అంతేకాకుండా నిట్టీ, గ్రిట్టీ అనే యూట్యూబ్​ ఛానల్​ను చూస్తూ మరింత పట్టు సాధించినట్లు తెలిపాడు. రోబోను తయారు చేసే క్రమంలో చాలా సార్లు విఫలం అయినట్లు పేర్కొన్నాడు సిదాన్​.

రాస్పీకి కమాండ్లు ఇస్తున్న సిదాన్​

సిదాన్​ తయారు చేసిన రాస్పి

నాలుగో తరగతి చదువుతున్నప్పుడు అమ్మ కొనిచ్చిన ఎలక్ట్రిక్​ బొమ్మ సిదాన్​ను ఎంతో ఆకర్షించింది. నాటి నుంచి ఎలక్ట్రానిక్ వస్తువులపై ఇష్టం పెంచుకున్న సిదాన్.. తొలుత ఇంటిని శుభ్రం చేసే ఆటోమేటిక్​ బ్రష్​ను రూపొందించాడు. అనంతరం కంటి చూపులేని వారికి.. ముందున్న ప్రమాదాన్ని హెచ్చరించే ఓ చేతికర్రను తయారు చేసి స్థానికుల నుంచి ప్రశంసలు అందుకున్నాడు. అనంతరం తన అవసరాల కోసం నాలుగు చక్రాల బండిని కూడా రూపొందించాడు. అయితే ఏనాటికైనా హ్యూమనాయిడ్​ రోబోను తయారు చేస్తాను అని చెప్తున్నాడు సిదాన్​. దీనికోసం రోబోటిక్​ ఇంజనీరింగ్​ చేయాలనుకుంటున్నట్లు చెప్పాడు.

సిదాన్​ కామాండ్ల ఆధారంగా పని చేస్తున్న రాస్పి

ఇదీ చూడండి: