శ్రీలంక టు ధనుష్కోడి.. 13 గంటల్లోనే ఈది చరిత్ర సృష్టించిన దివ్యాంగురాలు Autistic girl swimming: భారత్కు చెందిన పారా స్విమ్మర్ జియా రాయ్ సరికొత్త రికార్డు సృష్టించింది. శ్రీలంక తలైమన్నార్, తమిళనాడు రామేశ్వరం మధ్య ఉన్న బక్జల జంక్షన్ను 13 గంటల్లోనే ఈదేసింది. ఆదివారం సాయంత్రం ఈ ఘనత సాధించింది.
Jiya Roi
జియా ఆటిజంతో భాదపడుతోంది. సరిగ్గా మాట్లాడలేదు. ఆమె తండ్రి మదన్ రాయ్ ముంబయిలో నావికాదళ అధికారిగా పని చేస్తున్నారు. వైద్యుల సూచన మేరకు జియాకు రెండేళ్ల వయసు నుంచే స్విమ్మింగ్ నేర్పించారు. దీంతో ఆమె ఈ పోటీల్లో రికార్డులు సృష్టిస్తూ వస్తోంది. ఓపెన్ వాటర్ స్విమ్మింగ్లో గంటకు 14కిలోమీటర్ల వేగంతో ఈదిన రికార్డు కూడా ఆమె పేరిటే ఉంది.
సముద్రంలో ఈదుతున్న బాలిక.. పడవలో నౌకాదళ సిబ్బంది ఆదివారం సాయంత్రం 5:25 గంటలకు జియా ధనుష్కోడి, తలైమన్నార్ మధ్య ఉన్న పాక్ స్ట్రెయిట్ను దాటి, అరిచాల్మునాయ్ బీచ్ చేరుకుంది. తమిళనాడు డీజీపీ సీ శైలేంద్ర బాబు ఆమెకు ఘన స్వాగతం పలికారు. బాలిక రికార్డు సాధించినందుకు పుష్పగుచ్ఛం ఇచ్చి సన్మానించారు. 2017లో శైలేంద్ర బాబు కూడా పాక్ స్ట్రెయిట్ను ఈదడం గమనార్హం.
Swimming News
ఆటిజంతో బాధపడుతున్న బాలిక ఈ రికార్డు సృష్టించడం అద్భుతమని డీజీపీ కొనియాడారు.
బాలికకు పుష్పగుచ్చం ఇస్తున్న తమిళనాడు డీజీపీ
"దేశంలో హిమాలయాలపై కూడా ట్రెక్కింగ్ చేయగల ట్రెక్కర్లు చాలామంది ఉన్నారు. కానీ స్విమ్మర్లు చాలా తక్కువ సంఖ్యలో ఉన్నారు. స్విమ్మింగ్లో రికార్డులు సృష్టించడానికి యువత ఆసక్తితో ముందుకురావాలి. ఈ సముద్రం ఇతర సముద్రాల్లా కాదు. ఈ నీటిలో ప్రమాదకరమైన మిల్క్ షార్క్లు, జెల్లీ ఫిష్లు ఉంటాయి. ఇలాంటి ప్రతికూల పరిస్థితుల్లోనూ పాక్ స్ట్రెయిట్ను ఈదడం గొప్ప విషయం. ఇక్కడ ఉదయం వేళల్లో కంటే రాత్రి వేళలో ఈదడం సులభం."
-తమిళనాడు డీజీపీ శైలేంద్ర బాబు
ఆదివారం సముద్రంలోకి దిగిన తర్వాత మొదటి మూడు గంటలు తన కూతురికి కష్టంగా అనిపించిందని, కానీ 13 గంటలు బంగాళాఖాతంలో ఈది గొప్ప ఘనత సాధించడం ఆనందంగా ఉందని జియా రాయ్ తండ్రి మదన్ రాయ్ తెలిపారు.
బాలికను సన్మానిస్తున్న తమిళనాడు డీజీపీ Autism Girl Swimming News
13 ఏళ్ల జియా నేవీ చిల్డ్రన్ స్కూల్లో చదువుతోంది. ఓపెన్ వాటర్ స్విమ్వింగ్ విభాగంలో ఈ ఏడాది ప్రధానమంత్రి బాల పురస్కార్ అవార్డు కూడా ఆమెను వరించింది. జియా గతేడాది బాంద్రా-వర్లీ సీ లింక్ నుంచి గేట్‌వే ఆఫ్ ఇండియా వరకు 36 కి.మీ దూరాన్ని 8 గంటల 40 నిమిషాల్లోనే ఈది చరిత్ర సృష్టించింది. ఇప్పుడు మరోసారి తన సత్తా చాటి అందరి మన్ననలు పొందుతోంది.
శ్రీలంక టు దనుష్కోడి.. 13 గంటల్లోనే ఈది చరిత్ర సృష్టించిన బాలిక ఇదీ చదవండి:ఎనిమిదేళ్ల బాలికపై హత్యాచారం.. ఇసుకలో కప్పి పెట్టి..
