రూ.270తో లాటరీ టికెట్ కొన్న డ్రైవర్- మధ్యాహ్నానికి రూ.కోటి జాక్​పాట్

1 Crore Lottery Winner: లాటరీ కొన్న కొద్ది గంటల్లోనే కోటీశ్వరుడు అయ్యారు ఓ అంబులెన్సు డ్రైవర్. రూ. 270తో లాటరీ కొనగా.. మధ్యాహ్నానికే రూ. కోటి జాక్​పాట్ తగిలింది. ఈ అదృష్టవంతుడి కథను మీరూ చదివేయండి.

1 Crore Lottery Winner: రాత్రికి రాత్రే కోటీశ్వరుడైపోవాలని ఎవరికి ఉండదు చెప్పండి.. ఓ అంబులెన్సు డ్రైవర్​కు అలాంటి అదృష్టమే పట్టింది. లాటరీ టికెట్​ కొన్న కొద్ది గంటల్లోనే రూ.కోటి రూపాయలు గెలుచుకున్నాడు.

బంగాల్​లోని తూర్పు బర్ధమాన్ జిల్లాకు చెందిన షేక్ హీరా ఓ అంబులెన్స్ డ్రైవర్. ఇటీవల ఆయన రూ.270 పెట్టి లాటరీ టికెట్ కొన్నారు. మధ్యాహ్నానికే రూ. కోటి జాక్​పాట్ తగిలింది. దీంతో కొద్దిగంటల్లోనే కోటీశ్వరుడు అయ్యారు హీరా. లాటరీ టికెట్ తగలగానే ఒక్కసారిగా ఏం చేయాలో అర్థంకాక సహాయం కోసం పోలీస్​స్టేషన్​కు వెళ్లారు హీరా. పోలీసులు హీరాను జాగ్రత్తగా తీసుకెళ్లి ఇంటివద్ద దిగబెట్టి వచ్చారు.

తల్లి చికిత్స కోసం..

తనకు చాలా డబ్బు అవసరం ఉందని.. ఈ డబ్బుతో తన తల్లికి చికిత్స చేయిస్తానని, ఓ ఇల్లు కొనుక్కుంటానన్నారు హీరా. అంతకంటే తనకు పెద్ద కోరికలు ఏమీ లేవని తెలిపారు.

ఇలాంటి జాక్​పాట్ ఎప్పుడూ చూడలేదు..

Overnight Crorepati: తాను ఎన్నోఏళ్లుగా లాటరీ వ్యాపారం చేస్తున్నానని.. చిన్నమొత్తంలో రావడం చూశా కానీ.. ఇంత పెద్ద జాక్​పాట్​ను చూడటం ఇదే మొదటిసారని షాపు యజమాని తెలిపారు. తన షాపులో కొన్న లాటరీకి రూ. కోటి జాక్​పాట్ రావడం ఆనందంగా ఉందన్నారు.

ఇదీ చూడండి:15 ఏళ్ల బాలికపై గ్యాంగ్​ రేప్​.. నిందితుల్లో మైనర్​