శ్రీకాళహస్తి ఎమ్మెల్యే బియ్యపు మధుసూదన్ రెడ్డి పీఏ బలవన్మరణం - Srikalahasti YCP MLA news
By ETV Bharat Andhra Pradesh Team
Published : Dec 28, 2023, 1:33 PM IST
Srikalahasti YSRCP MLA PA Ravi Committed Suicide:తిరుపతి జిల్లా శ్రీకాళహస్తి ఎమ్మెల్యే బియ్యపు మధుసూదన్ రెడ్డి వ్యక్తిగత సహాయకుడు ఆత్మహత్యకు పాల్పడిన సంఘటన కలకలం రేపింది. హౌసింగ్‌ బోర్డుకి చెందిన రవి (36) తన ఇంట్లోనే ఉరేసుకుని ఆత్మహత్యకు పాల్పడినట్లు స్థానికులు తెలిపారు. సమాచారం అందుకున్న పోలీసులు సంఘటనా స్థలానికి చేరుకుని, కేసు నమోదు చేసి దర్యాప్తు చేపట్టారు.
Police Investigating PA Ravi Suicide:పోలీసులు తెలిపిన వివరాల ప్రకారం ''తిరుపతి జిల్లా శ్రీకాళహస్తి హౌసింగ్‌ బోర్డులో నివాసం ఉంటున్న రవి గత నాలుగేళ్లుగా వైఎస్సార్సీపీ ఎమ్మెల్యే మధుసూదన్ రెడ్డికి వ్యక్తిగత సహాయకుడు (పీఏ)గా పని చేస్తున్నారు. హౌసింగ్‌ బోర్డు కాలనీలోని తన ఇంట్లోనే ఫ్యాన్‌కు ఉరేసుకొని బలవన్మరణానికి పాల్పడ్డాడు. నాలుగేళ్లుగా ఎమ్మెల్యే వద్ద పనిచేస్తున్న రవి, ఎమ్మెల్యే తరఫున వచ్చే వీఐపీలకు తిరుమలలో దర్శన ఏర్పాట్లు పర్యవేక్షించేవాడు. రవి ఆత్మహత్యకు పాల్పడటానికి గల కారణాలు అప్పుల బాధలేననే అనుమానాలు ఉన్నాయి.'' అని పోలీసులు వెల్లడించారు. అయితే, రవి ఉన్నట్టుండి ఆత్మహత్య చేసుకోవడంతో ఆయన కుటుంబంలో విషాదఛాయలు అలుముకున్నాయి.