కడప జిల్లాలో సీఎం జగన్​ సభకు ఘనంగా ఏర్పాట్లు

కడప జిల్లాలో ఎల్లుండి జరగబోయే దివంగత ముఖ్యమంత్రి వైయస్ రాజశేఖర్ రెడ్డి జయంతికి ఘనంగా ఏర్పాట్లు చేస్తున్నారు.

వైయస్ రాజశేఖర్ రెడ్డి జయంతిని రైతు దినోత్సవంగా చేయనున్నట్లు రాష్ట్ర ప్రభుత్వం ప్రకటించింది. ఈ సందర్భంగా ముఖ్యమంత్రి జగన్మోహన్​ రెడ్డి కడప జిల్లా జమ్మలమడుగులో పర్యటించనున్నారు. సుమారు 8 ఎకరాల స్థలంలో సభ నిర్వహించనున్నారు. 20 వేల మంది కూర్చునేందుకు వీలుగా ఏర్పాట్లు చేస్తున్నారు. అదేరోజు పులివెందుల, జమ్మలమడుగు నియోజకవర్గాల్లోనూ జగన్ పర్యటించనున్నారు. ఎన్నికల సమయంలో ఇచ్చిన హామీలు, వాటి వివరాలు ప్రకటించే అవకాశం ఉందని నాయకులు భావిస్తున్నారు.