కడప జిల్లాలో గుప్తనిధుల తవ్వకాలు
కడప జిల్లా బద్వేల్ సమీపంలో కొందరు గుప్తనిధుల కోసం ప్రయత్నాలు చేశారు. గోపవరం మండలంలోని పి.పి కుంట ఫారెస్ట్ చెక్పోస్ట్ సమీపంలోని అటవీ ప్రాంతంలో గుప్తనిధుల కోసం అనంతపురం, కడప జిల్లాలకు చెందిన షేక్షావలి, రమేష్ రెడ్డి, అంకిరెడ్డి, లక్ష్మీ నారాయణ రెడ్డి, లక్ష్మయ్య కలిసి కారులో వెళ్లి తవ్వకాల ప్రయత్నాలను మొదలుపెట్టారు. విషయం తెలుసుకున్న బద్వేలు గ్రామీణ ఎస్సై లలిత సిబ్బందితో వెళ్ళి దాడులు చేశారు. వారిని అదుపులోకి తీసుకుని విచారించగా...గత కొద్ది రోజులుగా వీరంతా గుప్తనిధుల కోసం ప్రయత్నాలు చేస్తున్నారని ఎస్సై తెలిపారు.