కడప జిల్లా ప్రొద్దుటూరులోని లింగాపురం ఖాన‌ప‌ల్లె క్రాస్ వ‌ద్ద జ‌రిగిన రోడ్డు ప్రమాదంలో యువకుడు మృతి చెందాడు. చాపాడు మండ‌లం ప‌ల్ల‌వోలు గ్రామానికి చెందిన వెంక‌ట‌య్య.. ప‌ని నిమిత్తం స్నేహితుడి ద్విచ‌క్ర వాహ‌నం తీసుకుని ప్రొద్దుటూరుకు వెళ్లాడు.
తిరిగి వస్తుండగా లింగాపురంలోని ఖాన‌ప‌ల్లె క్రాస్ రోడ్డు వ‌ద్ద గుర్తు తెలియ‌ని వాహ‌నం ఢీ కొట్ట‌ిన ఘటనలో తీవ్ర గాయాల పాలయ్యాడు. వెంక‌ట‌య్య‌ను జిల్లా ప్ర‌భుత్వాసుప‌త్రికి తీసుకెళ్ల‌గా.. చికిత్స పొందుతూ మృతి చెందాడ‌ని పోలీసులు తెలిపారు.