కలసపాడులో 20 ఎర్రచందనం దుంగలు స్వాధీనం

కడప జిల్లాలో ఎర్రచందనం తరలిస్తున్నారనే సమాచారంతో అధికారులు దాడులు నిర్వహించారు. దాడుల్లో 20 ఎర్రచందనం దుంగలను పోలీసులు స్వాధీనం చేసుకున్నారు.

కడప జిల్లాలోని కలసపాడు మండలం ముసలిరెడ్డిపల్లె పరిసర ప్రాంతాల్లో ఎర్రచందనం తరలిస్తున్నారనే సమాచారంతో పోలీసులు దాడులు నిర్వహించారు. దాడుల్లో 15 మంది స్మగ్లర్లు, కూలీలను అదుపులోకి తీసుకున్నారు. వీరి నుంచి 20 ఎర్రచందనం దుంగలను స్వాధీనం చేసుకున్నట్లు పోలీసులు తెలిపారు. అంతర్జాతీయ స్మగ్లర్ లక్ష్మణ్ ఎర్రచందన దుంగలను రవాణా చేసేందుకు ఒప్పందం కుదుర్చుకున్నట్లు మైదుకూరు డీఎస్పీ పేర్కొన్నారు.