రాజంపేట అన్నమయ్య జలాశయానికి ఎమ్మెల్యే ప్రత్యేక పూజలు

రాజంపేట ఎమ్మెల్యే మేడా మల్లికార్జున్ రెడ్డి, మాజీ ఎమ్మెల్యే ఆకేపాటి అమర్నాథరెడ్డి అన్నమయ్య జలాశయాన్ని సందర్శించారు. అనంతరం జలాశయం వరద నీటితో త్వరగా నిండాలని కోరుకుంటూ ప్రత్యేక పూజలు నిర్వహించారు.

కడప జిల్లా రాజంపేట మండలం బాదనగడ్డపై నిర్మించిన అన్నమయ్య జలాశయాన్ని ఎమ్మెల్యే మేడా మల్లికార్జున్​ రెడ్డి సందర్శించారు. ఈ సందర్భంగా గంగమ్మకు ప్రత్యేక పూజలు చేసి హారతి పట్టారు. 2017లో తొలిసారిగా ప్రాజెక్ట్ ను పూర్తిస్థాయిలో నింపినట్లు ఎమ్మెల్యే తెలిపారు.​ ఉద్యాన, అగ్రికల్చర్ ద్వారా రైతులు 400 కోట్ల రూపాయల వ్యవసాయ ఉత్పత్తులను సాధించినట్లు తెలిపారు. ఏటా వర్షాలతో నిమిత్తం లేకుండా జలాశయ అభివృద్ధికి కృషి చేస్తామన్నారు. అనంతరం బదిలీపై వెళ్తున్న అన్నమయ్య ప్రాజెక్ట్ ఈఈ రమేష్​ను, కొత్తగా వచ్చిన ఈఈ రవిశంకర్​ను సత్కరించారు.

ఇదీ చూడండి: పొంగిన పుల్లంగేరు... విరిసిన అన్నదాత మోము