కందుల లారీ బోల్తా: నలుగురికి గాయాలు

కందుల లోడు లారీ బోల్తా పడి నలుగురికి తీవ్ర గాయాలయ్యాయి. ఈ ఘటన కడప జిల్లా గండికోట వద్ద జరిగింది

కడప జిల్లా ప్రముఖ పర్యాటక కేంద్రమైన గండికోట వద్ద జరిగిన రోడ్డు ప్రమాదంలో నలుగురికి తీవ్ర గాయాలయ్యాయి. కొట్టాలపల్లి నుంచి జమ్మలమడుగుకు వస్తోన్న కందుల లోడు లారీ గండికోట ఘాట్​లో అదుపు తప్పి పడిపోయింది. సమాచారం అందుకున్న జమ్మలమడుగు పట్టణ సీఐ మధుసూదనరావు తన సిబ్బందితో కలిసి సంఘటనా స్థలానికి చేరుకుని వివరాలను నమోదు చేసుకున్నారు. క్షతగాత్రులను జమ్మలమడుగు ప్రభుత్వ ఆసుపత్రికి తరలించి చికిత్స అందిస్తున్నట్లు సీఐ తెలిపారు.