ప్రొద్దుటూరు నుంచి ఓ వాహనంలో కొంత మంది యువకులు ఐదు కేసుల మద్యాన్ని తరలిస్తుండగా పోలీసులు పసిగట్టారు. జమ్మలమడుగు శివారులో ఎక్సైజ్ శాఖ అధికారులు రాధాకృష్ణ, చెన్నారెడ్డి వాహనాల తనిఖీ సందర్భంగా.. ఈ గుట్టును రట్టు చేశారు. మద్యం తరలిస్తున్న వాహనాన్ని పట్టుకున్నారు.
సుమారు 70 వేల రూపాయలు విలువ చేసే 253 మద్యం సీసాలు స్వాధీనం చేసుకున్నారు. వాహనాన్ని సీజ్ చేశారు. ఆరుగురు నిందితులను అదుపులోకి తీసుకున్నారు. ఆంక్షలు అమలులో ఉన్న వేళ ఇలాంటి చర్యలను సహించేది లేదన్నారు.