లక్ష్మీ నరసింహ స్వామి కల్యాణ మహోత్సవం

కడప జిల్లా రాజంపేటలో వెలసిన లక్ష్మీ నరసింహ స్వామి కల్యాణ మహోత్సవం వేడుకగా సాగింది. ఇందులో భాగంగా స్వామి వారికి పంచామృతాలతో అభిషేకాలు నిర్వహించి ప్రత్యేక పూజలు చేశారు.

కడప జిల్లా రాజంపేటలోని లక్ష్మీ నరసింహ స్వామి కల్యాణ మహోత్సవం నిరాడంబరంగా జరిగింది. ఈ నెల 24 నుంచి స్వామివారి వార్షిక బ్రహ్మోత్సవాలు ప్రారంభం అయ్యాయి. వేడుకల్లో భాగంగా లక్ష్మీ నరసింహ స్వామి కల్యాణ మహోత్సవాన్ని వేద పండితులు శాస్త్రోక్తంగా నిర్వహించారు. కరోనా కారణంగా ఆలయ నిర్వాహకులు ఏకాంతంగా.. స్వామి వారి కల్యాణ క్రతువును కమనీయంగా నిర్వహించారు. ఉదయం గర్భాలయంలోని స్వామివారికి పంచామృత అభిషేకాలు నిర్వహించి ప్రత్యేక పూజలు చేశారు.

ఇదీ చదవండీ..ఎన్టీఆర్ జయంతి సందర్భంగా.. చంద్రబాబు, లోకేశ్‌ నివాళులు