విద్యుత్ ట్రాన్స్ఫార్మర్లను పగలగొట్టి.. వాటిలో ఉన్న రాగి వైరును ఎత్తుకెళ్లే నలుగురు దొంగలను కడప జిల్లా పోలీసులు అరెస్ట్ చేశారు. పెండ్లిమర్రి మండలానికి చెందిన ఒంటేరు అంకాలు, నాగరాజు, చిన్న, నాగేశ్లను అరెస్ట్ చేసి రిమాండుకు తరలించినట్లు జిల్లా ఎస్పీ అన్బురాజన్ తెలిపారు. నిందితుల నుంచి రూ.10 లక్షలు విలువ చేసే 600 కిలోల కాపర్ వైరు, అచ్చులను పోలీసులు స్వాధీనం చేసుకున్నారు.
ట్రాన్స్ఫార్మర్ల దొంగలు అరెస్ట్.. రూ.10 లక్షల విలువైన రాగి వైర్లు స్వాధీనం - కడప ఎస్పీ
ట్రాన్స్ఫార్మర్లలోని రాగి వైరును దొంగిలిస్తున్న ముఠాను కడప జిల్లా పోలీసులు అరెస్ట్ చేశారు. ఇప్పటివరకు ఈ ముఠా సభ్యులు దాదాపు 91 ట్రాన్స్ ఫార్మర్లు ఎత్తుకెళ్లి వాటిలోని కాపర్ను అపహరించినట్లు జిల్లా ఎస్పీ అన్బురాజన్ తెలిపారు. ఈ కాపర్ దొంగలపై పలు స్టేషన్లలో కేసులు ఉన్నట్లు ఎస్పీ పేర్కొన్నారు.
రూ. 10 లక్షలు విలువ చేసే కాపర్ వైరు స్వాధీనం
నిందితులు కడప, కర్నూలు జిల్లాల్లో ఇప్పటివరకు 91 ట్రాన్స్ఫార్మర్లు ఎత్తుకెళ్లి.. వాటిలోని కాపర్ వైరును అపహరించారని ఎస్పీ తెలిపారు. ఒంటేరు అంకాలు అనే దొంగపై ఏకంగా 40 కేసులు, మిగిలిన ముగ్గురు నిందితులపై 10 కేసులు ఉన్నట్లు జిల్లా పోలీసు అధికారి పేర్కొన్నారు. జమ్మలమడుగు, ప్రొద్దుటూరు, మైదుకూరు, ఆళ్లగడ్డ పోలీస్ స్టేషన్లలో నిందితులపై కేసులు ఉన్నాయన్న ఎస్పీ.. 40 కేసులున్న అంకాలుపై పీడీ యాక్ట్ నమోదు చేస్తామని చెప్పారు.
ఇదీ చదవండి: ఎర్ర చందనం దుంగలు స్వాధీనం... కంటైనర్ సీజ్